Miss candidate te’n court-ah khing, lan dan chauh tuipui ti

  • Kum 100-a upa tawh organisation ngawi tlat

Miss France candidate hlui pathum te chuan an ram beauty pageant lakah thu-buai siamsakin, lan dan atang chauha thlangchhuak mai thinah an puh.
Pawl lian tak nen
An hming tarlan loh mi pathum te hian French fe-minist group, ‘Osez le feminisme’ (Feminist ni ngam \hah) te nena thawk hovin Miss France thlangchhuaktu te lakah thubuai an thehlut.
Tunhmâ atang tawh khan Osez le feminism te hian Miss France lakah lungawi lohna nasa tak an lo lantir thin a, ‘Sexy chawisang uchuaktu’ ah an puh.
Tuna thubuai an siam-sakah hian pawn lam lan dan chauh kaltlanga thlan-chhuah hian French labour law a kalh tlat a, inthliarna nasa tak an kalpui, an ti.
Inkalh tlat em?
Beauty queen ni tur chuan feet 5 inches 5 tal a ni tur a ni a, single leh mawina aiawhtu a ni tur a ni, tia dan an siam nen hian a inkalh tlat, an ti a ni.
Contestant te chu an taksa rihna pun belh an phal lova, an sam color tihdanglam an khap bakah tattoo neih leh Beng verh kuak thlengin remtihsak an ni lo. Contestant te hian fa an nei tur a ni lova, pasal nei tawh te tan kawng a ping nghal bawk.
French labour code-ah chuan company te hian thawktu an lakna turah kum, chhungkaw dinhmun, taksa pianphung landan ah te an teh tur a ni lo, tih a ni a, Paris court-ah thubuai an thehluhah hian contestant te hi pawl pakhat hnuaia thawktute anga ngaih/pawm an nih leh nih loh erawh a chiang lo thung.
Side B atangin
Miss France lam hian thubuai chungchangah thu leh hla an nei lem lova, tuna he pawl kaihruaitu 2002 winner Sylvie Tellier chuan contest an neih hian hmei-chhia te dikna leh chanvo an chawilar a ni thin, tiin \an a khawh.
“Swimsuit nen khan feminist i ni thei a, tunhma anga nalh ve ringawt, engmah sawichhuak thei lo dinhmun kha kan kalpel tawh,” a ti.
Miss France 2021 thlanna hi December 11 hian Caen, France-ah neih a ni ang.

Leave a Reply

Your email address will not be published. Required fields are marked *

error: Content is protected !!