Squid Game elpha tur “My Name” in sawi leh en hlawh

Thlahmasaa Netflix-a phochhuah a nih chiah khan Squid Game chu kawvelpumah namen lovin a hit zui a, tunah a hniakhnung turin Korean revenge thriller thar ‘My Name’ chu a lar \an ta.
‘My Name’ hi October 15 khan Netflix-ah dahluh a ni a, tunah hian khaw-velpumah No. 4 a ni der tawh. Hetah hian a pa an thah lai mit ngeia hmutu hmeichhe tleirawl pakhat, Jiwoo (Han So-hee) chuan thapui thawha phubalakna rapthlak a hlenchhuah dan action pui lutuk hmuh theih a ni ang.
A pa tual thihnaah hian police officer pakhat chu thûk takin a inrawlh ngei tih a hre tawh a, Jiwoo hian misual tawrhhlelh-awm takte nena thawk hovin zawi zawiin police force-ah an inchiah lut a, a pa thattu phil chhuak tura chetchhuahna a ni.
He series hi khawlai titi a tling tawh a, karthar lo awm zel turah hian namen lovin a lar chho zel dawn tih a chiang awm e.
Entute’n nasa mang-khengin an fak a, Google user te atanga rating pawh 4.9/5 niin, Rotten Tomatoes lamah pawh 100% audience a nei fel tawh bawk. Squid Game lar tak hi Rotten Tomatoes-ah 85% vel chauh a la ni a, boruak neih len dan turah inrinsiakna a tam hle a, intihsiakna pui tak a thleng mai lo’ng maw, tiin an sawi laih laih mek.
IMDB lamah show pahnih te hi an chetha dun hle a, 8.2/10 an ni.
Korean Movies leh TV show te hian kum tam vak lo kalta atang khan lemchan khawvelah an in-thlahrung lo viau mai a, an lar vet vet hlawm bawk si a.. 2017 kuma Okja atang phei kha chuan khaw-velpum maiah cult ang hrima follow chho ngat ngat hi a mak maka tam an awm a ni.

Leave a Reply

Your email address will not be published. Required fields are marked *

error: Content is protected !!