MNF party president, chief minister ni bawk, Zoramthanga’n pastor-te chu zu zawrh sawi mawi \hin nia a sawi chu thudik tawk lo hmanga pastor-te tihhminghliau tumna nia an ngaih thu an sawi.
Thuchhuah an siamah Congress party chuan October 22-a MNF-in kum 60 (Diamond Jubilee) lawmna inkhawm Vana Pa Hall-a neiha Chief Minister Zoramthanga’n pastor-te chu zu zawrh sawi mawi \hin nia a sawi chu, hetianga dawt hmanga intihhminghliau tum hi Pathian kohhran rawngbawltu pastor leh kohhran diriamna leh zah lohna nasa taka an ngaih thu an sawi.
Congress party hian ram leh hnam \hatna leh hmasawnna tak tak duh vang lo va, lalna leh thuneihna chan tum ve avang ringawta kohhran zahawmna tihhlinghliau zawnga political party \henkhatin, Pathian kohhran ho hmanruaa an hmang duh chu pawi an tih thu an sawi a. “An beisei ang lalna leh thuneihna chan loh avanga chhuanlam atan Kohhran rawngbawltu pastor-te zu zawrh sawimawi \hin anga puh duh khawp Kristian state-in chief minister kan nei hi Congress party chuan vanduaithlak a ti tak meuh a ni,” an ti.
Mizoram People Forum (MPF) in thu thar thehdarhtute hmaa politics-a chan \ha chan tum vanga kohhran an unit anga sawi \hin party an awm thu leh hetianga sawi \hin ni-a an hriat party office-ah lengin, ‘Kohhran hi in unit a ni lo’ tih chiang taka an hrilh niin an sawi a. MPF meuhin thuneihna beisei vang ringawta Kohhran zahawmna leh ropuina tihminghliau zawnga che an awm thu an sawi a ngai ta chu pawi an tih thu leh zahawm an tih thu an sawi a. Chutiang thil pawi tak a thlen hnua Pathian Kohhran rawngbawltu pastor-te zu zawrh sawi mawi \hin anga chief minister meuhin a puh leh ta zel mai hi pawi an tih thu congress party hian an sawi.
“Tun hnuah Kohhranin a khak ngai khawp leh Pathian rawngbawltute zahawmna tihminghliau zawnga che tawh lo turin heng political party leh Chief Minister Zoramthanga hi kan ngen a ni,” an ti bawk.