Central YMA executive committee \hutkhawm hmanhmawh nimina neihin Tuirial bial bye-election lo awm turah Election Commission of India duh dan kalha therhlo nena Tuikukte vote thlak theihna tura ruahmanna siam political party an awm nia an hriat thu leh pawi an tih thu an sawi.
CYMA Executive ?Committee chuan bye-election lo awm turah Tripura-a tlan thla Tuikukte tana vote thlakna hranpa siam chu remchang lova an ngaih thu an sawi a. Tripura state-a anmahni duhthu ngeia tlan thlaten vote an thlak dawn a nih chuan, “Mizoram electoral roll-a an chuanna hmun ngeiah anmahni sensovin vote an thlak tur a ni,” an ti.
Tuirial bial bye-election lo awm turah Tuikukte vote thlak theih dan tur zawnga hma la lo turin CYMA chuan Mizo mipui leh political party-te an ngen a. “Tuikukte sum pe zawng leh an kalna tur buaipuitute hi YMA chuan Mizo hnam pawikhawihtuah a ngai a ni,” an ti.
Tuirial bial bye-election dik taka kalpui a nih theih nan, a \ul a nih chuan YMA-in Hortoki leh Zodin polling station-ah viltu \hahnem tak a ruat dawn tih CYMA Executive Committee chuan an sawi bawk.