Congress party chuan Tuirial A/C bye-election awm tur atana campaign kharna hun khaw hrang hrangah nimin khan an buatsaih. Heng hunah hian Congress party hruaitu pawimawhten thu an sawi.
Lungdai leh Kawnpui khuaa campaign khatna hun buatsaihah Indian National Congress (INC) official candidate Chalrosanga Ralte (Mavala) in harsatna lian tham tawk lovin campaign an tlingtla thei chu lawmawm a tih thu a sawi a. Campaign an neih chhunga mi rilru tihnat palh a neih chuan Tuirial bial tana tlin tuma nasa taka a beih vangah ngaihsak tura ngenin, ngaihdam a dil nghal thu a sawi.
Sorkar \ha siam ngei tuma nasa taka insiam \ha mek Congress party leh a laka Tuirial mipui tam takin rinna nghat a, an party a la awm ngai lo leh awm tawh lo tam takin Congress party an zawm thar chu lawmawm a tih thu a sawiin, Chalrosanga Ralte chuan, “Mipui thlawpna kan dawng \ha hle niin ka hria a. Hei hi keimah leh Congress party \hat vang leh theih vang a ni lo a; Pathian hnathawh liau liau a ni tih ka hrechiang hle bawk,” a ti.
Chalrosanga Ralte (Mavala) chuan, “Pathian zarah thlan tlin ka nih chuan keimahnia beiseina nghattu Tuirial bial mipuite hi kan ti beidawng lo ang a, in tan ka theihna zawng zawng ka pe dawn a ni tih hi min hriat nawn sak leh rawh u. Chalrosanga Ralte leh Congress party hmasawnna atan ni lo, Tuirial bial hmasawnna atan liau liau min vote turin Tuirial bial mipuite ka ngen nawn leh che u a ni,” a ti bawk.
Pastor, Kohhran upa leh rawngbawltu rualte chu hriatthiamna leh ngaihdamna rilru nena en tur leh pawi an lo sawi tawhnaah ngaihdam dilin insiam\hat tumin theihtawp an chhuak mek tih hriatsak tura ngenin, “Ram leh mipui rawng kan bawlna kawngah hian humsual kan dai loh nan min venpui ula, in beramte kan nih angin min kaihruai zel rawh u,” tiin ram politics khalh ngil theitu an nih avangin an ngaihhlut thu a sawi.
Inthlanna thianhlim leh felfai a awm theihna atana hma la tu MPF chungah lawmthu sawiin, “In duh loh zawnga chetna kan lo nei palh a nih chuan a pawi kan ti tak zet a, kan zah em em che u a, in lakah vuina tur pakhatmah kan nei lo. Nangmahni avangin kan fimkhur phah a, kan dik phah sawt a, sum pawh nasa takin kan sen tlem phah a, kan lawm em em a ni,” a ti.
INC official candidate hian Tuirial bial mipuite chu hlauh nei lo leh tu mitmei mah veng lovam rilru thianglim taka vote thlak \heuh tura sawmin, “He inthlanah hian ka tling emaw, tling zo lo emaw pawh ni sela, ka thlahthlam dawn lo che u a. Tuirial bial chhung mi ka nih ang ngeiin inthlan zawh hnuah pawh intan ka ding reng ang a, ka vil zui reng ang che u. Harsatna intawh chang pawhin, ka tih theih a awm a nih chuan ka tlanchhe ngai dawn lo a ni tih lo hre reng ang che u,” tiin mipui a chah.
He atana campaign-a tha leh zung tam tak sengtu te, a candidate puite leh party dangte lakahte leh Tuirial bial bye-election atana inthlan buaipuitu zawng zawngte chungah lawmthu a sawi bawk.
Congress party hian Lungdai leh Kawnpui bakah Thingdawl, Hortoki, Bualpui leh Khamrang/Mualkhangah te campaign kharna hun an buatsaih bawk a ni.