Naupiang tlakhniam
vangin S Korea buai,
K-Pop tan chhiatna!
A KHUH HAWNNA
Hun eng emaw chen atang tawh khan South Korea rama naupiang tlem duai duaina hi manganthlak taka ngaih a ni tawh a, piang pung an awm tawh meuh loh avangin sorkar meuh pawhin a khua leh tuite chu fa neih kawnga \an la thar tura vawi tam ngenna siam tawhin, lawmman sum fai tam tak a tawktarh thin. Heti chung hian awmzia tak tak a nei thei chuang lo.
A chiang ta
Data report thar berah chuan an ram chanchina a vawikhatna ni turin kum khata naupiang 300,000 phâk lohna chu nikum khan an tawngbaw ta chiah a, kuminah pawh hian chanchin lawmawm hriattur a awm an ring meuh lo.
Heti ang hi a nih avangin South Korea hmathlir leh hmabak chu a lawmawm viau dawn lo tih a chiang reng a, a bik takin K-Pop tan chhiatna namen lo a thlen ngei dawn. Korean culture-a bet nghet tlat tawh leh huhang ngah em em K-pop ah hian inziaklut a, invawmlut tur thalai/tleirawl an hmu tawh mang lo.
K-pop idol trainer, dancer leh choreographer lar tak In Ji Woong chuan an rama naupiang tlahniam duai duai zel chuan nakin maiah K-pop industry tan nghawng \ha lo leh duhawm loh zet mai a hringchhuak ngei dawn, a ti.
Buai chho ta hle
Tunah hian company lar pathum- SM Entertainment, YG Entertainment, leh JYP Entertainment te pawhin candidate \ha tak zawn hmuh an harsat tan tawh.
A tlangpuiin kum 12-13 inkar hi an target thin a, chumi awmzia chu, tunah hian kum 13 mi zawng dawn ta ang se, kum 2010 vela piang te kha zawn a ngai dawn tihna a ni a. Mahse, heti ang kum rual hi an awm mumal tawh lo.
“Tuna K-pop nawr kal a, khawvel hriata phochhuaktute hi kum 90’s vela piang an ni deuh vek a. Chutih laiin, 2005 atang khan naupang/tleirawl train tur zawn chhuah chu a harsa hle.
“Trainee beiseiawm tak tur zawn kual hi hna hautak leh hahthlak tak a ni reng tawh. Company lian pathum te pawhin harsatna namen lo an tawk der mai a, agency lian vak lo te tan phei chuan zawn hmuh chu a harsa viau ang le,” tiin In Ji Woong hian a sawi.