THALAI TIMES
Facebook a faceook tawh dawn lova, ‘Meta’ hming thar puin virual khawvelah min hnuhluh hret hret a tum ang. Facebook, Inc. tih thin chu Meta Platforms, Inc. a thlak a ni bawk.
CEO Mark Zuckerberg chuan a company hming a thlak danglam ta a, Meta hming pu chungin siamthar lehna duhawm tak nei turin a kal chho dawn ta a ni. Heti anga rebrand (tuaitharlehna) chhan hi khawvela social media company lian ber hian Dan siamtute leh regulator te hnen atanga saiwselna leh beihna a tawh nasat tâk em vang a ni pakhat.
Market-a a chet uchuak dan te, thutlukna chimawm leh ngeiawm thei anga lang siam fona kawngah te bakah he platform kaltlanga huatna chi tuh nasat vang a ni tel bawk.
Hming thara thlak a tul viau em?
“Facebook hian company-ina a buaipui zawng zawng hi a hual vek kher lova, social network enkawlbik heng-Instagram leh Messenger tih loh thil dang zau leh huam thui zawk a buaipui dawn a ni. Vawinah hian social media company angin min hmu a, mahse kan nihna dik tak chu thiamna hmanga mitinte inpawh zung zung theihna tura siam hi a ni,” tiin CEO Zuckerberg-a’n a sawi.
Smartphone te’n desktop computer te an rawn luahlan zung zung ang hian metaverse pawh hian computer nen kan inthlunzawmna tura kawng thar leh hma thar lakna turah nasa takin a pui dawn a ni, a ti bawk.
Hming thara ‘Meta’ kher thlan a nih le?
Metaverse hi kawng thar a ni dawn a, classic lam ngaina a, lungleng thin Zuckerberg hian ‘Meta’ hi Greek tawng, ‘Piahlam’ (Beyond) atanga lak a nih thu a sawi.
Metaverse awmzia dik tak hi?
Hei hi kum zabi thum vel liam taa dystopian-hnuaia coin hmasa ber atanga lak nia ngaih a ni a, mite’n device hrang hrang hmanga virual enviroment an share tawn theihna tur ‘idea’ a tih theih awm e.
Facebook corporate indin dan thlengin a danglam ang em?
Danglam lovang. Facebook hi Instagram, Whatsapp leh Messenger te nen tuna an awm dan hian an awm chhunzawm zel tho ang. Hei hi company lam sawidan a ni. Facebook chuan a hnuaia hardware division- Facebook Reality Labs chu reporting unit hran angin a awm tawh ang. He unit hi AR leh VR buaipuitu ber an ni a, tun atang chuan Reality Labs tih a ni dawn a ni.
Facebook hian a logo a thlak a ni mai lo maw?
Aw. Company hian an hmunpui awmna Menlo Park, California-ah sign thar a dah chhuak tawh a, kutzungpui (thumbs-up) hmanga ‘like’ entirna chu blue infinity shape-in a thlak.
Facebook hian Metaverse tan mi a lak belh dawn em?
Tunhnai khan Metaverse bik enkawltu tur production team siam a ni a, tun atanga kum nga lo la awm tur chhung hian thawktu 10,0000 vel lak tum a ni.