Bollywood superstar Shah Ruhk Khan fapa chu party pakhata ruihhlo kaihhnawiha man a nih atanga ni 26-naah bail-a chhuah a ni ta. SRK te chhung tan thu lawmawm a tling.
Aryan Khan (23) hi October 2 khan Mumbai atanga Goa pan tura cruise Lawnga a awm laia man niin, Narcotics Control Bureau (NCB) chuan dan phal loh drugs kawl, hmang leh zawrh thubuai hnuaiah a hling.
An puhna hrang hrang lakah thiam lohna pakhatmah a neih loh thu Aryan hian a sawi a, a lawyer chuan court-ah nasa taka \anin, a kutah emaw ama hnen atanga ruihhlo man leh dap-chhuah engmah a awm loh thu a thlen. Ruihhlo a ti ngei tih finfiahna pakhatmah hmuh tur a awm lo, tin \an a khawh na hle a ni.
Bail a nih thu hriat a nih veleh Shah Rukh Khan mittui a luang nghal zung zung niin, a lam hnai te chuan an sawi a. An fapa hren a nih chhung hian rilru mumal pu thei lovin, a nupui Gauri Khan nen hun harsa leh hrehawm tak an paltlang nia hriat a ni bawk.
Nikum atang khan Bollywood actors leh TV lama mi langsar te chu Hindi film industry-a ruihhlo buaipuina hluar chho mek nia sawiah nasa taka dap \an an ni a, hetah hian Deepika Padukone tiamin actress lar tak pali te chu thu zawhfiah niin, Dan kalha chetna engmah an neih loh thuin an chhâng.
Nikum September khan Rhea Chakraborty chu a bialpa Sushant Singh Rajput tana ruihhlo leisak \hina puh thubuaiah man a lo ni tawh bawk a, thlakhat hren anih hnu ah chhuah a ni.