Serchhip district sports committee (SDSC)-in Serchhip sports complex-a football stadium, kumin August ni 30-a hawn chu tun thlenga a enkawltu mumal sorkarin a dah loh avangin vawiin a\angin a enkawl hna an thawk dawn tih an sawi a, he stadium hman dan tur mumal tak pawh an duan nghal thu an sawi.
SDSC chuan Inrinni khan he thu thuthar thehdarhtute an hrilh a. Serchhip stadium chu mi tam takin intawllen nan an hmang mek nia sawiin, a enkawltu mumal dah turin sports minister Robert Romawia Royte hnenah pawh September ni 3, 2021 khan an thlen tawh thu leh thla khat chhunga a enkawltu mumal dah a lo tiam chu thla hnih dawn hnuah pawh a hlawhtlinna hmuh tur a la awm loh avang leh stadium chu humhalh \ul an tih avangin November ni 1 atang hian a enkawl hna chu an kutken dawn ta tih an sawi.
Serchhip stadium chungchangah hian SDSC chuan hriattirna tichhuak nghalin, November, 2021 atang chuan SDSC sports complex-a sports stadium hmang tur reng rengin SDSC-ah dil thin tawh tur a nih thu an tarlang a. Hman man leh \ul dang te an hriattirna tihchhuahah chuan an tarlang tel bawk.
August, ni 30, 2021 khan UD&PA changtu Dy, chief minister Tawnluia’n Serchhip Sports Stadium hi internet kaltlangin Aijal Club atangin a hawng a, a hawnna inkhawmah hian Sports director hnenah stadium chu ziakin a hlan fel nghal a ni.
SDSC-in an sawi danin, Serchhip-ah Sports deptt-in office a la neih loh avangin dist. sports & youth office charge latu Lalzikpuii kutah stadium enkawl hna chu a awm zui a. Sports deptt-in mi leh sa an neih loh avangin officer pakhat tan mai chuan enkawl sen chi a ni lova, sorkarin chawkidar pawh a dah theih si loh avangin SDSC-in chawkidar pakhat thla 1-a Rs 8000 a ruaiin, an enkawl zui dawn ta tih an sawi bawk.