New Zealand in dinhmun khirhah India dah

India in ICC Men’s Twenty20 World Cup a beiseina a neih chu New Zealand zarah a beitham sawt hle a. Champion tura rinkai zinga dah India hi a zawna an tlawmna turin wicket 8 in Black Caps in an hneh.

India hi an match hmasa berah chiang takin Pakistan lakah wicket 10 in an tlawm a. Dubai International Stadium-ah pawh New Zealand lakah hian beisei pha lo leh hle in ball 33 hmang bakin an khingpuite hi an chak.

India hi vuak hmasak tir an ni a, an batting nung lo hle in over 20 chhungin run 110 an tlin thei hram a. Wicket pawimawh zing takin an hloh leh thin a, ball 19 atanga run 26 siam Ravindra Jadeja vangin run za an kai hram.

New Zealand bowler zingah Trent Boult chuan wicket thum a la a, leg-spinner Ish Sodhi chuan run 17 pe in wicket hnih a la ve bawk.

New Zealand in target huphurhawm lo tak an um a, India bowler rinrawl Jasprit Bumrah chuan Martin Guptill a chet tak tak hma in chhuahtir mahse ball 35 atanga run 49 siamtu Daryl Mitchell-a’n pawi a khawih thui hman a. Captain Kane Williamson chuan out lovin run 33 siamin Black Caps an chak awlsam.

India tan Bumrah chuan wicket hnih la in New Zealand tana Sodhi-a’n hna a thawh ang thawk ve thei tur an neih loh Men in Blue in an tuar.

Group 2-ah India hian khelh hnih atangin point an la hmu lova, naktuk zanah point li hmu tawh Afghanistan an khel leh ang.

Leave a Reply

Your email address will not be published. Required fields are marked *

error: Content is protected !!