Sorkar laipuia Rural Development Ministry Secretary Nagendra Nath Sinha-a’n nimin khan India ram state paruka Start up Village Entrepreneurship Programme (SVEP) hnuaia Community Resource Person for Enterprise Promotion (CRP-EP) training chhhuakte kawmin, certificate a hlan a, certificate dawngtu zingah Serchhip district SVEP hnuaia CRP-EP mi 14 an tel.
Mizoram bakah Rajasthan, West Bengal, Bihar, Gujarat leh Madhya Pradesh CRP-EP training chhuakte chu MoRD secretary chuan video conferencing hmanga kawmin, harsatna an tawh dante leh an hmachhawpte a sawipui a ni.
SVEP Serchhip district hnuaia CRP-EP te hian thingtlanga sumdawnna nei 245 pui mekin loan pawh CEF loan Rs. nuai 48 leh bank loan Rs. nuai 7 pek chhuah tawh a nih thu sorkar thuchhuahin a tar lang.
CEO, Mizoram State Rural Livelihoods Mission H. Lalchhandami’n Mizoram team-te chu hovin, he hun hi Serchhip a\angin Project Director, DRDA Serchhip Malsawmtluanga leh APO Serchhip Stephen Auhmun te pawhin an lo zawm ve bawk.