Thupek bawhzuiin luidung nungcha zawrhna endik


Aizawl district fisheries enforcement team-in Mizoram sorkarin luidung nungcha la puitling lo (juvenile) man phal lohna thupek a chhuah bawhzuiin, Sialsuk tlangdung leh a chhehvela luidung nungcha zawrhna hmunte nimin khan an enfiah.
Fisheries enforcement team chuan luidung nungcha zuartute chu luidung nungcha puitling lo man leh zawrh chu dan kalh a nih thu leh The Mizoram Fisheries (Amendment) Act 2016 hmanga lung in tantir leh pawisa chawitira hrem theih a nih thu an hrilh a. Samlukhaia Chakai man \hintute hnenah pawh luidung nungcha la puitling lo an man chuan an manna hmuna chhuah leh ngei tura chahin, luidung nungchate inthlahpung hmana an zuah chuan a mantu leh zuartu tur te chu a hlawkpui tur an nih thu an hrilhfiah bawk.
Aizawl District Fisheries Development Officer (DFDO) Zonuntluangi’n luidung nungcha la puitling lo leh inthlahpung hman lo khawpa man an nih \hin avangin luidung nungcha a chereu mek tih sawiin, nungcha \henkhat phei chu mang mai thei dinhmuna an din hial tawh thu a sawi a. Aizawl leh Saitual district huamchhunga luidung nungcha zuartute chu fimkhur tur leh luidung nungcha la puitling lote man emaw zuar lo turin a chah.
Fisheries enforcement team chuan Aizawl leh Saitual district chhungah a remchan dan angin lui kal mite leh a zuartute an enfiah fo tur thu Aizawl DFDO chuan a sawi bawk.

Leave a Reply

Your email address will not be published. Required fields are marked *

error: Content is protected !!