Bye-election: Himachal-ah Congress; hmarchhakah BJP leh a thawhpuite


Inrinnia vote thlakna, assembly bial 29 leh Lok Sabha bial thuma vote tlate chu Thawhlehni khan chhiar a ni a. Ram puma rorelna fawng chelhtu, BJP chu hmar lama Himachal Pradesh leh Haryana-ah an che \ha vak lo va, Congress-in Himachal Pradesh-ah hian bial thum lain Mandi Lok Sabha bialah hma an hruai mek bawk.
Mandi Lok Sabha bialah hian chief minister thi tawh, Virbhadra Singh-a nupui, Pratibha Singh chuan a tir lamah BJP-in an dintir, Kargil war hero Brigadier (Retd) Khushal Thakur chu um mah se he chanchin ziah lai hian a lehpel tawh.
Madhya Pradesh-a Khandwa bialah BJP candidate Gyaneshwar Patil chuan hma hruai ve thungin Dadra & Nagar Haveli-ah Shiv Sena-in hma an hruai mek thung.
Congress chuan Himachal Pradesh-a assembly bial pathum – Fatehpur, Jubbal-Kotkhai leh Arki-ah hnehna an chang.
Haryana-ah INLD a\anga chuhtu, Abhay Chautala chuan BJP candidate Gobind Kanda lakah hma hruai fal hlein hnehna chang thei dinhmunah a ding hnai.
Assam-a assembly bial nga inthlanah rorel lai, BJP chuan pathum an chuhnaah hnehna an chang vek a. An thawhpui, UPPL pawhin bial hnih an chuhah hma an hruai ve mek bawk.
Meghalaya-ah footballer chawl tawh, Eugeneson Lyngdoh chuan United Democratic Party hminga chuhin a tling a. BJP thawhpui, National People’s Party chuan Rajbala bial an la a, bial khat dangah hma an hruai mek bawk.
Bihar-ah Nitish Kumar-a kaihhruai, Janata Dal United chuan bial khatah hma hruaiin Rashtriya Janata Dal-in bial dangah hma an hruai ve mek bawk.
Madhya Pradesh-ah BJP chuan bial khatah hma an hruai mek a, bial hnih dangah hnehna an chang tawh bawk.
Rajasthan-ah Congress-in bial hnih – Vallabhnagar leh Dhariawad-ah hma an hruai mek a. Tun \um inthlan hi Ashok Gehlot-a sorkar bukna ang deuhva ngaih niin nikuma Sachin Pilot-a kaihhruaia party chhunga helna lian tak a awm hnua inthlan hmasak bek a ni.
Trinamool Congress chuan West Bengal-a assembly bial li inthlanah hnehna an chang vek a, bial thumah phei chuan BJP candidate-ten an dahkham an chawi.
Dinhata leh Santipur bialte chu BJP-in an \hut lai a ni a, April-May thla inthlanpuia Trinamool-in hnehna an chan hnua BJP mi leh sa leh hruaitu lawkten an pansan sung sung lai ni mah se inbeihna lian tak awmna ni tura ngaih ni mah se rorel lai hian an la chiang hle.
Karnataka-a bial hniha inthlanah BJP leh Congress-in bial khat ve veah hma an hruai mek a. Sindgi leh Hangal biala inthlante hi Chief Minister Basavaraj Bommai-an B S Yediyurappa a thlak hnua inthlan a hmachhawn hmasak ber a ni.
Telangana-a Huzurabad assembly bialah rorel lai, Telangana Rashtra Samithi chhuahsana BJP zawm ta, Eatala Rajender chuan hma a hruai mek a. Bialtu MLA ni lai hi sorkar ram neia puhna nasa tak a awm hnuah a bâng a, an puhna hi a pha nasa hle bawk.

Leave a Reply

Your email address will not be published. Required fields are marked *

error: Content is protected !!