Myanmar a\anga raltlante \anpuina tur Central Young Lai Association (CYLA) kutah Rs 17,10,500 a lut tawh.
Nimin khan All Mizoram Skill Training Centre Association, Under NULM chuan Lawngtlai district chhunga raltlante \anpuina atan Rs 22,500 an hlan a, heng pawisate hi member-ten an thawh khawm a ni a. Central YLA aiawhin President HC Vanlalruatpuia leh Vice President Thangmama ten an lo dawng a ni.
Central YLA Finance Secretary T Lalremsanga chuan Myanmar ram buaina avanga raltlan Lawngtlai district chhunga lutte chhawmdawlna tura kohhran, NGO, mi mal leh pawl hrang hrang a\anga tanpuina an dawn tawh chu pawisa fai Rs 17,10,500 a nih tawh thu sawiin, pawisa bakah hian buhfai leh bungbel, thuamhnaw leh mutbu \hahnem tak an dawn tawh thu leh chungte chu raltlante hnenah sem chhuah reng a nih thu a sawi a, raltlante \anpuina tura sum an dawn a\ang hian Rs 7,44,400 hman a nih tawh thu a sawi.
Nimin vek khan MNYF Dist.Hqrs. Lawngtlai chuan CEM Relief Fund-ah Rs 10,000 chu LADC CEM V Zirsanga hnenah an chhunglut bawk a, Thawh\anni khan Lairam Isua Krista Baptist Kohhran Assembly Choir Re Union, WhatsApp group te chuan raltlante \anpuina atan pawisa an thawhkhawm Rs 18,500 chu LIKBK Assembly, General Secretary Rev B Zazawna Lai hnenah an hlan bawk.