ASF ziaawm, vawk thi tlem tawh


Kumin March thla chawhnu lam a\anga Mizorama vawl pul hri hlauhawm, Africa Swine Fever (ASF) leng chuan ziaawm lam a pan tawh a, hri avanga vawk thi an tlem chho zel.
The Zozam Times zawhna chhangin AH&Vety department hotute chuan ASF leng chu a ziaawm deuh tawh a, hri kai leh hri vanga vawk thi pawh a tlem tawh tih an sawi a, hetihlai hian vawk pul hri leng hi a reh tawh erawh a la tih theih loh a, fimkhur zel a la \ul reng tih an sawi.
ASF leng avanga harsatna tawkte zangnadawmna an hmuh theih nana sorkar laipuia dilna an thlen chungchangah erawh chhanna an la hmu lo tih vety department hotute chuan an sawi.
July thla vel a\ang khan hri leng hi a ziaawm chho a, vawk thi pawh an tlem zel a, nimin khan ASF vangin Aizawl district chhungah vawk pakhat leh Saitual district chhungah pahnih, a vaiin vawk pathum a thi a, vawk pul hri hlauhawmin Mizoram a chenchilh hnua ni khat thil thua hri vanga vawk thi tlem ber ni a ni.
Vety department chhinchhiah danin, nimin thlengin ASF vangin vawk 29,686 a thi tawh a, ASF hri kai vawk 10,380 suat a ni tawh a; hri lenna hmuna puan hi khua/veng 271 a ni.

Leave a Reply

Your email address will not be published. Required fields are marked *

error: Content is protected !!