BJP-in mipui ngaihsak lo, thuneihna chiah ngaihven : Assam Congress


Assam Congress chuan sorkar laipui leh an state-a BJP sorkar chuan thuneihna an chan theih dan chauh ngaihtuahin mipuite duh leh hrehawmna sutkiansak lam engmah a ngaihsak lo niin a sawi.
“BJP sorkar hian mipuite harsatna leh an buaina hi engah mah a ngaihsak lo va, chutih laiin thuneihna an chan theih nan chuan a man an pe sang ngam hle si,” tiin Assam Congress hruaitu, Bobbeeta Sharma chuan Ningania thuchhuah a siamah a tar lang.
Assam Congress hruaitu chuan Himanta Biswa Sarma kaihhruai BJP sorkar hnuaiah an state-a mipuite chuan harsa leh hautak takin an mamawh an neih a ngai a, sorkar chuan a ngaihsak der si lo niin a tar lang.
“Public Affairs Index 2021 (PAI)-in a tar lan dan chuan Assam-a BJP sorkar hian ram chhungah state 18 zingah 14-naah a awmppui a, hei hi a pawiin mipuite tan pawh a zahthlak hle a ni,” a ti.
Sharma chuan, “BJP-in thuneihna an chan chinah ram eibar dinhmun a hniam zawngin a kal zel a, thil man a sang em em a, mipuite tan ni tin mamawh ngaihtuah pawh a hautak tak zet,” a ti.
Assam Congress hruaitu hian mahni intihlum tam chungchangah hian sorkar laipui leh an state-a sorkar chu a dem hle bawk.
“NCRB-in a chhinchhiah dan chuan lo neitu intihlum hi 18% zetin a pung a. Kum tin inhlawhfa mi 37,666 intihlum ziah ang niin zirlai intihlum pawh 21.20% zetin a pung bawk,” a ti.
“Assam-ah pawh Covid-19 avang leh a kaihhnawihah mi 3,243 zet an intihlum a. Kum 2019 leh 2020 inkar khan intihlum hi 36% zetin an pung a. National Crime Records Bureau-in a chhinchhiahnaah Assam hi intihlum tamna state zinga 5-na a hauh phak hial a, heti chung hian BJP chuan mipui lam reng a ngaihven si lo,” a ti.
Sharma chuan Chief Minister Sarma kaihhruai an state sorkar chu hna nei lo pung chungchangah pawh mawhpuhin heng mite tan thil ngaihtuah lovah a chhal.
“BJP an lo lal a chinah ram pum dinhmun ang bawkin Assam-ah hian hna nei lo zat hi a pung zel a. Inthlan hma khan Chief Minister Dr Himanta Biswa Sarma khan \halaite tan hna nuai 25 siam a tiam a; mahse, tun thlengin hmalakna engmah hmuh tur a la awm lo. BJP sorkar hian \halaite hma hun hi a tithim mek a ni,” a ti.
Assam Congress hruaitu hian chief minister chu hriselna lama an dinhmun chungchangah a bei bawk.
Chief minister Sarma hi hun rei tak health minister lo ni tawh a ni a, kumina chief minister a nih a\ang khan a ni lo chauh.
“Assam-a Chief Minister Dr Himanta Biswa Sarma hian kan state-ah hmasawnna chu Ganga luipui ang maiin a luang dawn niin a sawi a; mahse, rei tak a lo enkawl tawh, health department dinhmun hian kan state chu nguaina hmun ang mai a nihzia a tilang chiang hle,” a ti.

Leave a Reply

Your email address will not be published. Required fields are marked *

error: Content is protected !!