Israeli parliament chuan hun rei tak nghah tawh an ram budget chu hun tawp hma chiahin an pawm thei ta.
Zankhuaa roreltuten an sawihova an siam \hat nual hnuah leh vote an thlak hnuah Ningani zing hma takah khan kum thum chhunga an budget neih leh hmasak ber hi an pawm.
November 14 thleng pawhin budget hi pawm thei lo ta sela chuan June thlaa lak luh, Naftali Bennett-a kaihhruai sorkar chu \hiatin inthlan \hat a ngai thei hial dawn a. Prime minister kal chhuak ta, Benjamin Netanyahu tan tlin leh hun remchang a inhawng dawn a ni.
Bennett-a chuan Twitter-ah, “Kum tam tak buaina awmin sorkar kan siam a, Delta variant hnehin tunah hian Lalpa kan lawm e, Israel tan budget kan pass leh ta,” tiin a tar lang.
Bennett-a leh Netanyahu-a hian budget hi tlaivara sawia vote lak ngei an duh ve ve a, sawihonaah hian na tak takin an inbei bawk.
June thlaa sorkar siamtute hi party pariat zet \angho niin kum 15 zet an ram lo hruai tawh, Netanyahu-a paih thla tur hrim hrima \angho an ni a. Assembly-a member 120 awmnaah thlawptu 61 chiah neiin an tling hram a ni.
Israel politics hi April, 2019-a an inthlan hnuah khan a buai ve hle a. Right-wing party chuan Netanyahu-a hi ram pawikhawih zawnga chetna thubuai a neih avangin sorkar an siampui duh lo.
A hnu kum hnih chhung hian vawi li zet inthlanpui awm tawhin kum 2020 pawh khan budget pass zawh a nih loh avangin parliament chu \hiah a lo ni tawh.
Bennett-a hi ultranationalist Yamina (Rightwards) party hruaitu a ni a, Palestinian-ten ram hran an neih do burtu niin a hun chhung hian Palestinian Authority nena inbiak pawh a duh lo va, an ram ei bar dinhmun chawikan chu a thupui ber a ni.
Israel hian tun kar chhung hian Palestinian-te chen nan West Bank-ah chenna in 1,300 chuang sak zawh hman a tum a. A hmain dan lova he hmuna awmte tan in 3,000 chuang a lo sa tawh bawk.
Europe khawmualpuia ram 12-te chuan Israel hi a ruahmanna \hulh leh turin a t a, hetianga in sak kalpui hian Palestine nena an inkara remna awm thei chu a tichhe lehzual dawn niin an sawi.
&&&&&