A chanchn ziahna lehkhabu tharah Will Smith chuan a seilen dan hahthlak tak leh a pa nena an inlaichinna chhe tak chungchang a ziak chuan boruak a vaw hot chho nghal hle.
‘Will’ tih hmingpua, November 9, 2021-a tlangzarh turah hian a pa nihna leh mizia dik tak zep map lovin a tarlang.
“Ka pa kha a nunrawng a; game, play leh recital ah te a tel ve reng tho. Zu ngawlvei a ni na a, ka film tlangzarh hun angah erawh chuan a harhfim ziah thin. Kum 9 mi ka nih laiin na tak maiin ka nu a hnek thlu tawp mai a, a kâ atangin thisen a lo pik-chhuak a.. bedroom-a thil thlen lai hi chiang takin ka hmu. Ka thil hmuh leh tawn khan ka nunah ring takin thu a sawi nghal a, tunge ka nih, tihah chianna chiang tak ka nei ta a ni,” a ti.
Hollywood actor Smith-a pa hi kum 2016 khan a boral. A nu leh pate in\henna atanga kum 16-naah a ni.
A nu leh pa in\hen hnu hian Smith-a’n a pa dam lo a enkawlzui a, mahse a naupan laia thil thleng duhawm lo tak khan a rum\haih chhunzawm reng \hin, tih erawh a pha lo.