BTS Jungkook-a’n ‘Falling’ cover hla hmangin rimawi khawvel a barakhaih thut a, YouTube Top Trending Videos huanga pakhatna ni mek Adele, ‘Easy On Me’ hnuai-ah chiah a awm.
Original satu Harry Styles ai pawha sa nalh leh fuh zawkah an chhuah hial a ni.
‘Falling’ hian Billboard Hot Trending songs chart-ah pathumna a ni mek bawk a, tihlarna engmah awm mumal lo chung pawha heti ang dinhmun a thleng hi pui tak a ni ringawt.
Chu mai a ni lova, original satu zawk Harry Styles-a dinhmun pawh charts lamah a sawinghing nghal lawih lawih thei.
Jungkook-a’n a cover fuh bawk a, media lian tak takte’n an umzui nghal nasa.
Pui tual tual
Tihchhuah atanga ni sarih chhung lekin radio station tin maiin an in play chhâwksek mai a, label lam atanga promotion awm miah lo paw’n a lar vet vet hle a ni.
Vawrhchhuah a nih hnu rei vak lovah record thar siam chho zut zutin, tunah hian views maktaduai 17 a chuang tawh.
Ni sarih chhung leka like hmuhzat maktaduai 3.3 tling bawkin, YouTube-a BTS audio like ngah ber a ni.