Manchester United 0 – 2 Manchester City : A pawl inkhel a senin an en

Manchester derby-ah khaw khat club pahnihten football an inthiam hleihzia Inrinni zana Premier League inkhelah tihlan a ni a. Old Trafford-ah Manchester United in Manchester City an mikhual a, 2-0 in an khingpuite lakah an mualpho.

City hian United in an muala league inkhel an thlen hnuhnun ber tuma Liverpool in goal an khung zah khung lo mahse kawng engkimah United hi an thunun a, United in an veng hneh ni lovin mikhual lam hian goal hnih khung an duhtawk a ang zawk.

Pa leh fa inkhel
Ole Gunnar Solskjaer-a pawlten inkhel hautak an hmachhawn dawn tih hria in Tottenham 3-0 a an hnehna formation ngai an hmang a. Tlarhnungah pathum an inrem. Mahse an tum angin thil a kal lo chiang hle a, minute 7-naah Joao Cancelo ball cross chu Eric Bailly-a’n an lamah a ti lut.

Manchester City in inkhel tan atangin ball an chang tam a, ball an in pass leh an hawiherah inrintawkna an nei, lehlamah erawh United player-te an chiai thin a, City player-te veng turin theihtawp an chhuah a, ball an chan ve in awmze nei a hman ngaihna an hre lo.

First half-ah United in chance vawikhat chiah an nei a, City tlarhnung chu tum khat mawi taka thiatin Cristiano Ronaldo ball pet chu Ederson-a’n a dang. Hei bak hi United in goal hlauhawm an nei lova, a hnuah hian an goalkeeper David de Gea chuan a tum nga save tha tak tak a siam a ngai. Halftime dawnah De Gea goal-ah Bernardo Silva chuan an goal hnihna a khung a. United tlarhnung muhil remchangah an la chiang hle.

Second half-ah City in inkhel thunun chu thupuiah an nei a, a tawp thleng buaina an nei tawh lo.

“Kan dahthat a ngai”
Man City manager Pep Guardiola chuan, “Goal puitlin lova goal kan khung loh chuan an goal nawrlet a hlauhawm tih kan hria a, an che rang a, fimkhur a ngai. Chuvang chuan ball kan in pass hnem a, inkhel kha kan kaihruai a, kan dahthat a tul a ni. Chelsea dan theih an ni lova, anni kan um avangin point hloh kan tan a thiang lo. Mahse tun season-ah a lian paruk lakah kan khelchhe ngai lo hlauh.” tiin a sawi zui.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427