Tuirial hydel project atanga power thar chhuah zawng zawng Mizoramin hmang.
Kum 2018 atang khan Tuirial Hydel Project hian power siam chhuakin, power MW 60 siamchhuak thei tura duan ni mah se, fur ruahtui tla a tlem avangin tun dinhmunah power MW 50 vel a siam chhuak meka, heng a power siam chhuah zawng zawng hi Mizoram sorkar in a lei vek thin a ni.
Inrinni khan he thu hi Tuirial hydel project tlawh tu Dr H. Lalthlangliana, DC Kolasib hnenah NEEPCO hotu ten an lo hrilh a ni.
He hunah hian Kolasib bawrhsap hian NEEPCO hmalakna a Tuirial Hydel project inenkawlna leh an kalphung chu tha a tih thu sawiin, thawktu mi 70 velin hydel project hmanga an thawhchhuah ropuizia chu entawn tlak a tih thu a sawi a. Power a Mizoram intodelh nan leh mipui ten power duhkhawp an neih theih nan project lian mamawh a nih thu a sawi bawk.