India-a chanchinbumi thawk lai upa ber, Lalbiakthanga Pachau hnenah Padma Shree


AIZAWL: India rama working journalist upa ber, Prominent Journalist Lalbiakthanga Pachuau chu nimin khan President Ram Nath Kovind-a’n Padma Shri chawimawina a hlan.
Kum 95 mi, Lalbiakthanga Pachuau hi Zoram Tlangau editor niin, Literature & Education-Journalism-ah Padma Shri chawimawina hi hlan a ni a. Padma Award dawng tur nikum Republic Day-a puan zingah telin, COVID19 leng avangin chawimawina hlan inkhawm chu buatsaih lawk theih a ni ta lo va, nimin khan Rashtrapati Bhavan-a Durbar Hall, Delhi-ah chawimawina hlan inkhawm chu buatsaih a ni ta a ni.
Mizoram Journalists’ Association (MJA) chuan an president hlui, Lalbiakthanga Pachuau chu an lawmpui hle tih thuchhuah siamin an tar lang a. MJA general headquarters president term thum (1985-1986, 1989-1990, 1991-1992) ni tawhin, vice president term hnih leh secretary term khat a ni tawh tih MJA chuan an sawi.
Kum 2014-ah MJA-in ‘Prominent Journalist’-ah puangin, kum 2016-ah Mizoram sorkarin ‘Prominent Press Representative’ mi panga a puan zingah a tel leh a, hemi kum vek hian Mizoram Press Accreditation Committee-in ‘India rama working journalist upa ber’-ah a puang a, tun thlengin he dinhmun hi a la luah nia hriat a ni.
Satkunga Pachuau (L) leh Dokungi Pachuau (L) te fapa niin, March 25, 1927-ah Saichal khua, Champhai district-ah a piang a. Kum 17 chhung India sipaiah \angin, kum 1962-ah Havilder-in a pension a. Sipaia a \an chhungin Indopui II-naah a tel a, 1948 leh 1950 inkara Jammu & Kashmir indonaah pawh telin, sipai chawimawina medal/award panga a dawng.
Kum 1970-ah chanchinbu khawvelah lutin, Zoram Tlangau enkawltu zingah a tel a, joint editor-te a nih hnuah kum 1981 a\anga tun thlengin editor a ni. MJA president a nih laiin Aizawl Press Club neih theihna tura hma lain, a building lungphum phumtu a ni nghe nghe.
Mipui hnenah a thlawna thisen pek uar tura zirtir kawngah a thawhhlawk hle a, a hovin Association for Voluntary Blood Donation din a ni a, president hmasa ber a ni. Kum 1980 chhovah ruihhlo leh zu laka khawtlang leh \halaite an him theih nan Mizoram Social Defence Union (Sual Do Pawl) an din a, ruihtheih thil tihtlem kawngah hma nasa takin an la bawk.
Sorkar hnuaia pawl leh khawtlang leh kuthnathawktute ham\hatna tura pawl din eng emaw zatah hruaitu nihna a chelh tawh a. Kum 1975-a Mizoram State Cooperative Union din a nih khan president hmasa ber niin, 1988 thleng president a ni a. President a nih \an kumah National Co-operative Congress, Delhi-a neihah Mizorama Co-operative Apex Bank din ve turin dilna a thlen a, kum 1982-ah Mizoram Cooperative Apex Bank chu din a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427