Thla ruk hlawh la lo tiger reserve-a thawkten chawlhkar tawp thleng nghak

Thla ruk chhung hlawh an lak theih tawh loh avangin Tiger Protection Force an mangang tawh hle. Chawlhkar thar tawp thlenga ngaihtuahsaka pek an nih loh chuan duty-a chhuah an tum tawh lo.
Dampa Tiger Reserve (DTR) hnuaia thawk, Tiger Protection Force hian thla ruk chhung (May a\anga October, 2021) lai an la tawh lo a. Hei vang hian DTR hnuaia thawktute hian duty-a chhuah an harsat tawh hle a. An thla bi hlawh an lak theih loh rei tawh avangin chhungkaw mangang eng emaw zat awm \anin, harsatna an tawk \an niin The Zozam Times-in thu a dawng.
Thu dawnna chuan, DTR hnuaia TPF staff te hi chhungkuaa eizawngtu, nupui fanau chawm deuh vek an nih thu leh, regular takin Wildlife Protection duty in an chhuah ve reng a ngai a. Sorkar chhawrlai an nih miau avangin kawng dang hmanga chhungkaw chawmna tur an ngaihtuah hman si loh avangin an mangang tawh hle niin a sawi.
November 20, 2021 ral hmain heng an harsatnate sutkiansak a sorkarin a remchan dan leh a \ul dan anga an thawh hlawh tur a pe thei lo emaw, a ngaihtuahsak lo emaw a nih chuan All Dampa Tiger Reserve Tiger Protection Force thawktute chuan duty-a an chhuah theih tawh dawn loh thu an sawi niin thudawnna hian a sawi bawk.
Hriat theih chinah, tun dinhmunah hian Dampa Tiger Reserve hnuaia thawktu zawng zawng hi mi 152 an awm a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427