HMEICHHE HUANG
I TAN MAWINA KHAWIZU
CLEANSING SCRUB
‘Scrub’ telna nia sawi company lian tak takte thil siam aiin a rintlak daih zawk a. Hetiang hian- Khawizu fian khat, almond oil fian hnih leh Nimbu tui far sawm kha uluk takin chawhpawlh la, i hmaiah hnawih chhuak vek la, zawi te te-in zut ang che. Rei vak lovah tui lum pip pepin tleng fai rawh.
FIRMING MASK
Incheina zawrhna dawr hrang hrangah, ‘face mask’ tha tak tak mai an pholang thluah thin a. Sawiselna tur a awm lem loh laiin, vun mil loh leh huat ang chi hi a awm thin avangin fimkhur a ngai hle.
Khawizu fian khat leh artui chhungmu kha hneh takin hmai-ah a beh theihna tur tawkin chawkkawi la, hnawih ang che. Minute 10 hnu-ah tui lum pip pep bawkin phih fai ang che.
HAIR CONDITIONER
Khawizu no chanve leh olive oil fian hnih chawhpawlh hnawih ang che. I sam kha a ro viau a nih chuan olive oil fian thum pawh a pawi lem lovang. I lû-a i hnawih hnu-ah towel-in tuam chhuak la, darkar khat leh a chanve hnu-ah tuiin i tleng fai dawn nia.
SKIN TONER
Apple zai lep-ah khan khawizu hnawih la, chumi hmang chuan i vun kha han zut thuak thuak la, minute 10 hnu-ah tui lum pip pepin tleng fai leh rawh. Chutah chuan danglamna mak tak a lo lang dawn a ni.
SMOOTHING SKIN LOTION
Khawizu fian khat, tel (cooking oil) fian khat leh Nimbu tui fian chanve uluk taka mix hnu-ah dar, kut leh ke-ahte han hnawih chhuak la. Minute 10 hnu-ah tui lum bawkin tifai leh ang che.
SKIN SOFTENING BATH
Khua a vawt chho zel dawn a, vun a ro bawk ang. Hetiang hunah hian tui vawt-a inbual hi a ngamawm tehchiam lo. Bucket-ah tui lum (ngam tawk) chhung la, chutah chuan khawizu no chanve aia tam hret chhung lut la, chumi hmang chuan inbual rawh.
HAIR SHINE
Tuilum no li-ah khawizu no khat kha hneh takin chawk kawi la. Shampoo-a lu i suk hnu-ah Sam-ah khan hnawih chhuak la, tui-a tleng fai mai lovin a ro thleng nghak rawh. A rawn eng phe siau siau mai ang.
VOCAL CORDS
Zai mite tan a pawimawh bik a tihtheih ang. Aw no leh fiahfai tak nei tur chuan sawhthing emaw Vick han ei buai vak a ngai lo. Nikhat-ah khawizu fian khat i tlak anih chuan Hrawk-ah harsatna i neih a rinawm lova, aw mawina leh thatna atan a fuh hle.
ENERGEY BOSSTER
Chakna hnâr a ni a, amah ah hian vitamin, mineral, glucose leh fructose te a awm avangin in fit taka awm theih nan a pawimawh.
HEALLING PROPERTIES
Hliam/pem-a khawizu hnawih hi a dam hmâ a, a chhan lian takah chuanamahah hian, anti-oxidants a awm a. Chu chuan, boruak atangin oxygen a hip zung zung thei a, hliam tan damna a thlen thuai thin a, ser (scar) awm tur pawh nasa takin a veng thei.