Hripui len hmâ khan Bollywood film tan cheng vaibelchhe 200 leh 300 vel hmuhchhuah kha thil pang-ngai leh harsa lem lo tak a nih laiin, hriin kum hnih min nuai meuh chuan vbc 100 hmuh pawh thil harsa tak a ni tawh. Mahse, ‘Sooryavanshi’ film hmangin Akshay Kumar-a’n a vawikhatna ni turin hripui len laiin Vbc. 100 a pel ta vang mai.
Rohit Shety film siam hian ni 5 chhung lekin khawvel-pumpuiah cheng vaibelchhe 140 chuang a lalut tawh a. January-February 2020 kuma Tanhaji: The Unsung Warrior-in vbc 300 dâwn a lakluh hnu lamah lungphum pawimawh a phum.
Baaghi (2020) leh Akshay channa tho ‘Bell Bottom’ hnu lama vbc 100 chuang lalut leh thei hmasa ber a ni bawk a, hripui vanga cinema hall khar chhoh ni lo phei sela chuan, Bell Bottom thlen chin kha a sang viau tura ngaih a ni nghe nghe.
Akshay Kumar tan vbc 100 club-a luh hi a harsa lem lova, a film lar tak tak- Good Newwz, Mission Mangal. 2.0, Kesari, Housefull series, Rustom, Jolly LLB, Toilet: Ek Prem Katha, Gold, Airlift, Holiday: A Soldier is Never Off Duty in the list. te khan vbc 100 club an lut vek.