T20 World Cup final inkhel tur Australia vs New Zealand

Australia in tlawm thei dinhmunah ding tawh mahse Pakistan an sual let a, wicket nga a chakin T20 World Cup semi-final inkhel hnuhnungah an chak.

Dubai a inkhelah hian Australia in chak turin ball 10 atangin run 20 an mamawh laiin atthew Wade chu ‘catch out’ theih a nih laiin Hassan Ali chuan ball a dawng lova. Hei hi an tan pawi zui hle in Wade hian hemi zawhah a zawnin ball thum ah six runs a vaw vek a, over 19-ah run 177 an tlin phah.

Australia hian run 96 an siam laiin wicket 5 an hloh tawh a, an player pawimawh David Warner chuan run 49 siam mahse an dinhmun a chhe hman.

Mahse a tawpa run 40 siamtu Marcus Stoinis leh ball 17 atanga 41 siam Wade te zarah hnehna an chang a. An thenawm New Zealand nen an final dawn.

Pakistan in Mohammad Rizwan run 67 leh Fakhar Zaman run 55 siam zarah run 176 an siam a. Babar Azam chuan 39 a thawh bawk a. Australia hi chak tura over nga a la awmin run 62 mamawh an nih avangin Pakistan tan chak rim a hnai hman hle.

Australia captain Aaron Finch chuan, “Kan dinhmun kha duhawm lo hman mahse tlawm turah kan ndah lo hrim hrim. Mahse a tawp a Matthew-a’n zam miah lova kan team a khaichhuak kha a ropui.” a ti a.

“Marcus nen an inkawp kha kan chak chhan a ni a, kan khingpuite an khelhthat avangin cricket match ropui tak kan khel.” tiin an chak hnuah a sawi ve bawk.

Leave a Reply

Your email address will not be published. Required fields are marked *

error: Content is protected !!