UFC featherweight champion hlui Max Holloway chuan Pathianni zingah Yair Rodriguez nen round nga chhung mixed martial arts bout hmuhnawm tak mai an lantir a. 145 pound huangah ani aia fighter hmuhnawm leh hlauhawm an awm lo tih lantirin unanimous decision in hnehna a chang.
Las Vegas a UFC Fight Night-ah Holloway leh Rodriguez te hian round nga chhung tlawm duh lovin an inhmachhawn a. A tawp thleng ding chung leh chhuatah thleng kut inthlak chawl lovin kumin a mixed martial arts match hmuhnawm ber zinga mi entu mipuite an hlui.
Rodriguez hi 145 pound a fighter hmasawn leh hmabak nei eng taka ngaih a ni a, a tawp thlengin Holloway hi a nawr ngam chuan fak a hlawh. Mahse significant strike-ah 230 Holloway-a’n a neih laiin Rodriguez hian vawi 159 a nei ve thung.
An pahinh a significant strike vawi 389 an nei thei hi UFC chanchin a match khat a significant strike tam ber pathumna a ni a. Holloway hi UFC chanchin a ‘strike’ hlawhtling vawi 3000 nei tling hmasa ber a ni a. Significant strike vawi 2848 a neih mek chu UFC record a ni bawk a. Hei chauh hi ni lovin UFC a vawi 25 inlan tling tawh zinga vawikhat mah an intum chhunga khingpuite kutthlak vanga la tlu lo awmchhun a ni.
“A tha ber ni tur chuan a tha ber hneh a ngai a, tunah rih chuan a tha ber chu ‘Blessed’ hi a la ni rih.” tiin Holloway chuan a chak hnuah champon nih tuma a la beih zel tur thu a sawi nawn.
UFC Fight Night: Holloway vs. Rodríguez main card result:
Featherweight Max Holloway def. Yair Rodríguez Decision (unanimous) (49–46, 48–47, 48–47) 5 5:00
Heavyweight Marcos Rogério de Lima def. Ben Rothwell TKO (punches) 1 0:32
Women’s Featherweight Felicia Spencer def. Leah Letson TKO (punches) 3 4:25
Welterweight Khaos Williams def. Miguel Baeza TKO (punches) 3 1:02
Bantamweight Song Yadong def. Julio Arce TKO (head kick and punches) 2 1:35