Afghanistan khawpui, Kabul-a lirthei pakhata bomb tihpuahah mi pakhat a thi a, mi paliinhliam an tuar bawk a. Thi hi chanchinbumi a ni nghe nghe.
Pawikhawihna hi Inrinnia Kabul dai, Dasht-e Barchi-ah niin helai hi Shia Hazara hnam chen tamna lai a ni a. He hnam hi ISIL firfiak pawlten an beih reng lai an ni.
Afghan Journalists Center chuan thi hi Hamid Seighani-a a nih thu leh Afghan chanchinbumi hriat hlawh tak, Ariana television network tana thawk a nih thu an sawi.
A vanduaithlak a, chanchinbumi dang kan chân leh ta,” tin thil thlen hnuah Twitter-ah an tar lang.
Eng pawl mahin he pawikhawihna hi an tihah an la chhal lo.
Lirthei khalhtu, damdawi ina enkawl mek chuan Associated Press news agency hnenah kalkawngah mi rinhlelhawm tak pakhat lo chuan belhin a hnu lawkah an bus chu a puak ta tih a sawi a. Bus hnung lam deuh atanga puak a nih thu a sawi bawk.
Mi pahnih, an kawr kang hluah hluah a hmuh thu leh mi dangte erawh a hma lam atanga an tlanchhuah thu a sawi.
Thil thleng hmutu pakhat chuan, “A puah lai hi ka car-a ka awm lai, ka hma lawkah a ni a, a kang nasa hle a ni,” tiin AFP news agency a hrilh.
A puahna hmun hi Taliban-in checkpoint an siam bul lawk a ni bawk a, a hnuah hian silai rei vak lo a puak zui a. A bul hnai damdawi in chuan ruang pakhat leh hliam mi pali an dawn thu an sawi.
&&&&