Myanmar ramri, Manipur-a Inrinnia helhovin sipai an lambunna chu China thlithlaitute leh venhimna lama thuneitute chuan China-in hmarchhak hel pawlte an pui thin a ni ang tih rinna a tilian hle tih an sawi hlawm.
Inrinnia thil thlengah khan sipai panga an thi a, an zingah hian colonel pawh telin a nupui leh a fapa kum riat mi an thi bawk.
Tun tum hi hmarchhak hel pawl leh Chinese an inzawm thei ang tih rinhlelh vawi khatna a ni lo va. October, 2020-a India-in Taiwan a sumdawnpui tan pawh khan Beijing hian hel pawlte puih lama phuba lak leh India ram china Sikkim a pawmna tihtawp pawh sawi rik a ni tawh.
Thuneitu sang pakhat chuan, “China-in hmarchhakah helna a tipunlun ang tih hi a dik a. Hel pawlte hi Myanmar lama Arakan Army leh United Wa State Army nen pawh an inzawm hlawm a, heng hi Chinese ralthuam an chawkluhna kawng pawh a ni,” a ti.
China hian him takin hel pawl hruaitu – United Liberation Front of Assam (ULFA) commander Paresh Baruah leh National Socialist Council of Nagaland (IM) hotu, Phunting Shimrang te pawh Ruili, Yunnan Province, Myanmar nena inrinaah a kawl reng niin thuneitu dang chuan a sawi.
Ralthuam keng helho hian Inrinni khan Assam Rifles convoy hi Manipur-a Churachandpur district-ah 46 Assam Rifles commanding officer, Colonel Viplav Tripathi leh a quick reaction team (QRT)-in Behiang border post an tlawh haw, Khuga-a battalion headquarters an pan leh chu an lambun.
People’s Liberation Army Manipur hnuaia Revolutionary People’s Front (RPF) leh Manipur Naga People’s Front chuan tihah an inchhal tawm a; mahse, sipai chhungte an tel ve tih erawh an hre lawk lo tih an sawi.
China hian with PLA Manipur nena an inzamwna hi hel pawl dang ang bawkin, Line of Actual Control (LAC)-a India nena an inrem lohna karah a tinung thar leha a rin thu Lieutenant General Shokin Chauhan (retd) pawhin a sawi a. Ani hi kum 2017-18 chhunga Assam Rifles lo hruai tawh a ni.