AR lambun chhuinaah mi pahnih man an ni ta


Inrinnia Manipur-a Assam Rifles sipaite lambunna thleng chhui zuina kal zelah mi firfiak pahnih man an ni ta a, he thil thleng mi man hmasak ber an ni.
An mi mante hi Peoples’ Liberation Army Manipur leh Kangleipak Communist Party pawla mi an ni a. Inrinnia sipai panga thahnaah khan colonel pawh thah tel a ni a, a nupui leh an fapa kum riat mi tela thahnaa inhnamhnawiha hriat an ni.
Revolutionary People’s Front pawl, People’s Liberation Army Manipur hnuaia mi leh Manipur Naga People’s Front chuan he thil hi an tihah an chhal.
Assam Rifles chuan Manipur police-in beihpui an thlaknaah Thoubal leh Imphal East district-ah mi pahnih hi an man tih Twitter-ah an tar lang.
Churachandpur district, Manipur-a sipaite lambunnaah khan Assam Rifles sipai pariatin hliam an tuar bawk.
Tun tuma inlambunna thleng hi hmarchhak pumah sipaite chetna avangin venhimna lam dinhmun a tha tan hle tih sawi a awm mek laia thleng a ni a. Mipui an him thawhkhat tawh avangin sipai awm mekte pawh a tahtawla lak chhuah hret hret tumna a awm mek lai a ni.
Hel pawlte pawhin hei hi remchangah hmanga insawh ngheh tumin tan an la veleh mek a. Venhim hna thawktute chuan lambuntute chhui hna hi an thawk mek zel a ni.

Leave a Reply

Your email address will not be published. Required fields are marked *

error: Content is protected !!