BJP hruaitu ten DoNER minister hmu – Mizo thalaite tan Skill development leh Tourism lama hmalakpui turin ngen

BJP Mizoram state vice president JB Rualchhinga, BJP national executive member Nirupam Chakma, State secretary, national minority secretary ni bawk Delson Notlia leh BJP hruaitu dang ten Delhi-ah DoNER minister Kishan Reddy hmuin, Mizoram thalaite hamthatna tur chungchang an sawipui.

BJP hruaitute chuan Mizoramah thalai hnathawh tur nei lo tam tak te pui turin DoNER minister chu an ngen tih BJP thuchhuah chuan a tarlang a. Mizorama thalai hnathawh tur neilo tam tak ten hnathawh tur an neihna turin Skill development leh Tourism lamah hmalakpui turin an ngen.

DoNER minister chuan tunlaiah building infrastructure ringawt a tawk tawh loh thu leh thalaite hmakhaw thlir chunga state sorkar ten ngaihtuahna tak tak an sen a tul thu BJP hruaitute chu a lo hrilh a. Tourism lamah thalaite tan hnathawh tur nasa taka siam a theih a nih a tin thu sawiin, Tourist guide mumal tak neiha, training tha tak nena kalpuia thalai a tam thei ang ber tana hna siamsak tura hma la turin a lo chah bawk.

Leave a Reply

Your email address will not be published. Required fields are marked *

error: Content is protected !!