ZPM thalaiin CBI kohluh phut

ZPM thalaiin Sakawrhmuituai tlanga skywalk siamna tura thil fello awm nia lang te chhui tura CBI ko lut ngei turin Mizoram sorkar an phut.

“Hnathawhna hnuhma awm mang si lova Rs nuai 287.25 lai sên a ni leh hnathawhna hnuhma awm manglo bawk, Chaltlâng – Durtlâng ropeway siamna tura Rs. nuai 1317.80 hman ral a nih danah thil fello tak a awm ngei niin ZPM \halai chuan kan hria” an ti a. “Hmasawnna hnathawhna hnuhma hmuh tur awm si lo, contractor ten an thawh tur zaa 4 vel lek lek thawka nuai sang tel an lak hnua an hna an chawlhsan ngam hi mak kan ti” an ti.

ZPM thalai chuan Congress sorkara Tourism minister-in MNF sorkar chu skywalk leh ropeway siam hna chhunzawm duh lova installment lo dang tlattu an nih thu a sawi laia tuna Tourism minister-in Congress hunlaia a taka thawh awm si lova sum hman a nasat em avanga ministry lamin sum rawn pechhuak duh tawh lo anga a sawi leh si chu mipuiin hriat chian an duh niin an sawi a. Minister hlui leh minister nilaite chu insawifiah leh insawithiam tum mai lova cheng nuai sang tel riralnaah thudik puangzar tura an ngen thu an sawi baw.

Leave a Reply

Your email address will not be published. Required fields are marked *

error: Content is protected !!