Hnahthial district raltlan committee-in nimin khan Myanmar ram buai avanga Mizorama raltlan – Thingsai, Bualpui, Ngharchhip, N. Ngharchhip leh Hnahthial khawpui chhung bakah Tuipui leh Muallianpui-a awm te hnenah Buhfai bag 140, thuamhnaw ip 50 leh mutbu bag 30 an semchhuak.
Hnahthial district bawrhsap pisa-in a chhinchhiah danin nimin khan Hnahthial district chhungah Myanmar buaina avanga raltlan luh belh an awm lova. Hnahthial district chhungah hian Myanmar raltlan 2107 awm mekin, an zingah hian chhungkaw 407 an tel.
Raltlante hi Hnahthial district chhung khaw hrang hrang 12-ah lutin, Thingsai-ah 661; Cherhlun-ah 192; Bualpui ‘H’-ah 155; Ngharchhip-ah 170; New Ngharchhip-ah 462; Tarpho-ah 137; South Chawngtui-ah 25; Khawhri-ah 62; Tuipui ‘D’-ah 35, South Vanlaiphai-ah 8; Aithur-ah 14; Leite-ah 11 leh Hnahthial-ah 231 an awm mek a ni.