Ruahsur vanga harsatna thlenna hmun tlawh

Zirtawpni kalta zan atanga ruahsur avanga khawchhak Tuipui lianin Champhai leilet zawla harsatna hrang hrang a thlente chu nimin khan Minister of state, Champhai South bialtu ni bawk TJ Lalnuntluanga’n tlawhin, a enfiah.

TJ Lalnuntluanga ruahsur avanga Champhai leh a chhehvela chhiatna hrang hrang thleng pawi a tih thu sawiin,
Tuilianin Champhai leilet zawla harsatna a thlente, khuarel leh mihring siam chhiatna thleng thin dangte chu inzirthar nan leh hmasawnna kawng kawhhmuhtu atana hman ni se a duh thu a sawi a. Pumpelh emaw, tihnep emaw a nih theihna tura tanlak a tul thu sawiin, sorkar department hotute hmalakna fakawm a tih thu leh harsatna awmte ngaihvena a tul anga hma la zel turin a chah.

Ruahsur nasa avanga leiminin Ruantlang Mualvenga chenna in a tihchhiat leh leimin dang te pawh TJ Lalnuntluanga chuan tlawhin, a bial chhung Mulkawi khaw panna World bank road atanga khaw chhung pawhtu kawng, leimin avanga harsatna awm leh Lungverh Zau, Zotlanga tuilianin harsatna a thlente a enfiah bawk.

Leave a Reply

Your email address will not be published. Required fields are marked *

error: Content is protected !!