NOTORIOUS B.I.G
Kum1997 khan a âwmah vawi li kah a ni a, a hmunah a thi nghal. ”Soul Train Music Awards” semnaa a inlan hnu-a, a haw lam chu red light bula a din laia kah a ni. He thihna hi tun thleng hian chhuichhuah a ni lova, sawizui a hlawh hle.
Akon
Senegal thisen kai hi 2005 khan a dar-ah na taka kah a ni a, hemi tum hian a thianpa leh a manager Robert Montanez te chu silai mu tuarin an thi nghe nghe. A album, ”Konvicted” kha Montanez tan a hlan.
Cam’ron
Filmstar ni bawk hi Washington D.C kawtthlera a din laiin a motor chu mipakhat hian khalh a dil a, a remtih loh thu a sawi hnu lawkah hmun leh hmuna kah nghal a ni. Vanneihthlak takin a him hlauh a, fan pakhatin Damdawi in-ah a phur thleng thei hram. Misual hi zawn hmuh lohin a bo zui nghal.
50 Cent
South Jamaica-a a awm laiin a \hianpa motor bula a ding mai mai chu silai keng pakhat chuan 9mm handgun hmangin vawi kua zet a kap a, a nunna erawh a chân lo na a, hliampui na tak a tawrh phah a ni. He misual hi chawlhkar thumnaah kahhlum a ni a, hemi hnu atang hian 50 Cent hi a fimkhur zual sauh a, puipunna reng rengah silai mu kahtlang theih loh (bulletproof) kawr a ha ziah thin.
TheGame
Kum 18 mi a nihin, ruihhlo a tawlhnaah vawi nga kah a ni a, mak takin a dam khawchhuak. Ni thum chhung nikhaw hre lovin a awm hman a ni. Damdawi in-a dinhmun derthawng taka a awm lai hian a sumdawnna chu kalsan a, rapper ni turin thutlukna a siam nghal.
Tupac Shakur
Manhattan bula Quad recording Studio-ah 1994 khan hmun leh hmunah vawi li kah a ni a, silai mu pahnih hian a lu a fuh a, a kap-ah vawihnih, a ban leh kawngah silai mu pakhat ve ve a lut bawk. Darkar thum zai a ni a, vanneihthlak takin a damchhuak hlauh. 1996-ah erawh silai mu pali a hmachhawnnaah a vanneihnain a tlin bik ta lova, hliam na tak a tawrh hnu, a ni li-naah a thi. A lar vanglai tak a ni nghe nghe.