Tun thla ni 29 atanga khelh tan tur Mizoram State Boxing Championship 2021 thleng turin Serchhip an inbuatsaih ngawrh tawh hle a. Ningani khan organising committee chuan Mizoram pum huap inelna lian an thlen dan tur an rel.
Mizoram State Boxing Championship 2021 hi Covid 19 avanga hun rei tak inelna kalpui theih a nih loh hnuah sawrkar in SoP thar a siamah kalpui theih a ni leh tawh a. Mizoram hmun hrang hranga boxer leh official-te kalkhawm chu hmun khatah thlen khawm tir an ni dawn a, Serchhip Boxing Hall ah an thleng ang.
Boxer leh official tinten an awmna district atangin Covid 19 negative certificate an neih a ngai a. Covid 19 SoP zawm a nih theihna turin a viltu tur committee an indin bawk.
He championship hi main sponsor ah D-3 Business Enterprise an ni a, D-3 Business Enterprise Mizoram State Boxing Championship 2021 tih a ni zel tawh ang.