Motor Car neih hi a Economic lo (Aizawl Traffic Jam bawk)

  • Zika Falkland Veng

Aizawl Traffic Jam reng mai hi eng dang vang mah a ni lo, Motor tam vang mai a ni. Hun kha leh chen kha Aizawl-ah Traffic Jam lovin kan awm thei a, tun kum 10 kalta mai atang khan lirthei a maka makin a lo punga chu chuan nunphung ti khaihlak khawp in Traffic Jam kan buaipui ta a nih hi. Eng vangin nge a kaw nazawngin lirthei neih kan tum? Thatchhiat vang nge? Chapo vang nge? Kan eizawnna atan tangkai leh mamawh ni reng reng lo engzat tak Aizawl-ah hian Motor Car leh two wheeler awm ang maw!!!
Tun hma deuh, keini pawhin kan hriat chian em em hnuah khan chuan Office kal turte Bazar kal turte reng reng kein kan kal suau suau mai a. A nei fate leh Sorkar Motor dawng pha chin temte tih loh kha chuan lirtheia kal kher miin an tum lem lo. Tunah chuan a pui a nawi in lirtheia veivah vek kan tum ta mai hi a mak a ni. Mithiamte sawi dan in taksa hrisel tak nei reng tur chuan kea kal tam a tul an ti. Ke a kal hi exercise tha tak a ni a, thisen kal a ti tha a, mi a ti hrisel in, mi a ti harhvang thin. Chaw paitawihna puitu tha tak a ni an ti. Tunlai hunah chuan ke in kan kal tlema, kan dul a kiara, kan chak lova, tha kan nei lova, kan hrisena a tha lova, Stroke leh zen thutna a tam ta em em a, thisensang leh zunthlum natna a tam ta em em a, ke a kan kal tlem avanga nunna tawi ta engzat tak awm ang i maw!!
Hrisel loh phahna bakah tul lova pawisa tam tak khawh ralna a ni. Tun laiah Motor Car tlanglawn chu cheng nuai nga (5) aia tam deuh vek a ni tawh a. Kan chhungkaw eizawnna atana pawimawh em em pawh ni lem lo, kan han lei ve tawrh a, kan chhungkaw economy lam ngaihtuah miah lovin. A chhawrbawkna lam ngaihtuah em em lovin, a then phei chuan Bank loan la in. Registration a lo ngai a, Garage a lo ngai a, Petrol a lo ngai a, khawi ilo kal in parking buaipui a ngai a, a himna a ngai a. Rilru senna tur hlir a ni. A hlui deuhah repairing a ngai bawk.
Ka thil tawn tlem han sawi ila, Mizoram Office pui MINECO-ah Office dawrin kan kal a, gate bulah park-na a awm mail ova, chhak feah dah a haw dawnah pan leh a ngai a. Tum khat dirver hruaiin ka kal leh , gate bula parkna a awm mai loh avangin a remchanga park mai turin ka hrilh a, Office dawr zawhah driver ka be pawp mai thei si lova, zawn fe hnuah kan in tawng ta hram a. Khang te ai khan public transport (taxi) in emaw kal ta mai ila, haw dawnah pawh engmah enghelhngai lovin taxi lak leh mai kha a remchang zawk em em a ni. Chutiang bawkin Bazar tur leh Doctor rawn tura kan kal tumin khitiang harsatna tho khi kan tawk a ni. Buai lohna turah buai buai a ngai a nih hi. A tira pawisa hlawm cheng nuai 5 kha chu thuhran Petro leh hun leh tha sen ai khan Public Transport a kal a haw leh mai kha a manhla zawk em em a ni. In lamah lah hmun tha lai luah tirin sum thuninu, min tibuai tu, kha hun ve reng a ngai si. ‘Inchung leh hnuai ah dah ve lah a rem teuh si lo. Kawngan hmun tha lai luah a dah ngai, man to tak kan hung reng mai zawng a nih hi. Thawhchhuah neih chu sawi loh dawr remchang tur kawng anah kan dah a ngai si a. Dahna neilo tan lah vantlang kawng bik/dalin kan hung thup mai bawk nen. Mi kan tha a a zuva lo hlauh zawk a. Vairam chu nise a Car chawp a a bo loh pawh in a ke (tyre) tal a bo ngei thin.
Heng zawng zawng pumpelh tur chuan Public Transport hman uar hi a him zawk a, a senso a tlem ber zawk ngei ang. Aizawl-a two wheeler tam zawk hi tangkai tak a hman an nih loh a rinawm. Tunah lah mi nazawngin neih kan tum ta bawk si, khawi kipah hmuhtur a in hung del dul mai si. Zokhua lama mi te chuan feh nan tal an hmang tangkai a sin mawle. Chuvang chuan in ngaihtuah harh a hun e. Kan hriselna ti chhe tu boruak thalo siamtu a ni. Delhi-ah chuan boruak a thalo khawp a hriselna tana hlauhawm khawp a ni a, Supreme Court inrawlh ngai hial a ni ta. Sum thuninu, kan nihna ang min nih phak tir lo zawk tu neih vek tum ai chuan khawi ilo kalna atan Public Transport (taxi leh two wheeler taxi) hman uar zawk ila. Taxi te lah mamawh aia tam kan nei a. A theih hram chuan ke ngei in kal tam izir tha le hang u.

Leave a Reply

Your email address will not be published. Required fields are marked *

error: Content is protected !!