BJP thalaiin Mizoram sorkar dem

BJP Mizoram pradesh thalaiin Lengpui airport cheithat mekah contractor atana Kamrul Uddin hmanrua a hmang duhtu ten Kamrul Uddin chu Kamlova Chhangte tiin Tribal certificate an siamsak niin an sawi a. He thil hi hnam phatsanna ang hiala an ngaih thu an sawi.

Kamrul Uddin-a’n tribal certificate a neih theihna tura a pa anga lo tang leh amah sponsor tu pawh demawm an tih thu BJP thalai chuan an sawi a. “Hetianga thil diklo lutuk Mizo hnam hralhna ang hiala ngaih theih leh hna lian a thawhna tura ruahmansak a ni hi Mizoram mipui ngaihnepna leh NGO te ngaihnepna lian takah kan ngai” an ti.

BJP thalai chuan Kamrul Uddin-a’n tribal certificate a neih theih dan chu sorkar hmalaknaah puhin, Lengpui airport cheithat hna chungchangah pawh thil inthup lian tak awma an rin thu an sawi a. Sorkar chu sum an hmuhna turah chuan mualpho leh zah pawh dawn zo ta lovah an puh bawk.

Leave a Reply

Your email address will not be published. Required fields are marked *

error: Content is protected !!