Aizawl district level task group on COVID19-in Biak in-a zai chungchangah tualchhung kohhran leh LLTF inrawn tawn turin a ti a. Krismas ruaitheh chungchangah state thurel ngaichan ni se tiin, zai chungchangah state level task force emaw SEC-ah rawtna thlen ni se, an ti.
Aizawl district level task group on COVID19 nimina \hukhawm chuan state level-a advisory tihchhuah zawm tura ngenna siam leh an rawt a, Biak in-a mask vuah leh biak in pawn lamah hri leng laka himna tura zawm ngai ten zawm a hlawh leh zual theih nan LLTF leh kohhran te thawkhova tun aia fimkhur leh zual tura hmalak an rawt.
Hri leng laka himna tura hmaituam uar tura inzirtir beihpui -all mask campaign- pawh kumin December thla chhunga kalpui leh an rawt a. Khauh leh zuala mask vuahlote vuah tura inzirtira, a tul anga executive duty pawh dah leh ni se, an ti.
Pathian Biak inkhawma zai leh krismas/kumthar ruaitheh chungchanga LLTF ten kohhran hrang hrang te an rawnna report local council 83 atangin 53-in Aizawl district level task group on COVID-19-ah report an thehlut a. Task group chuan hri kai zat a la tlahniam lova hriain, fimkhur chhunzawm zel tul an tih thu an sawi bawk.