I fate nen in inpawh tha em?

HMEICHHE HUANG:

Nu nih tawh chuan eizawn-na, chhungkua, pasal, khawsak rel leh thil dang dangah hian buaina tham hi a awm deuh vek a tih theih a. Thawhphat atanga tih tur tul neuh neuh a awm nghal zut zut avangin fate nena hunthawl leh hun thawveng tak hman hun pawh a awm thei meuh lova, hei vang hian fate nena inkâr pawh harsatna tam tak a awm phah fo thin.

Engtinnge fate nena inzawm/pawhna tha tak i neih theih ang?

Mutdawna thawnthu hrilh
Hei hi naupangte nena inzawmna leh inpawhna tha tak thlentu a ni a. Thawnthu ngaih-nawm leh zirtirna nei tha tak ni thei sei. Tin, i naupan lai chanchin te, sikul i luh hmasak ber ni-a i awm dan te leh thil dang tawnhriat hrang hrang i neihte kha ngaihnawm takin hrilh thin ang che.
Heti hi anih chuan kar lovah, a rilu-a awm leh a veizawngte thlengin inpawh takin a hrilh ve tawh dawn che a ni. Tin, thawnthu sawi hrim hrim pawh hi inawih mutna tha tak a tling a, hmaih ngai suh ang che.

Inbual hlimna
Naupangte hian tui khawih hi nuam an ti deuh vek a, tui lum pip pep (ngam tâwk)-ah han dah la, sahbawn tha chi leh shampoo, naupang tana siam te i hmang thei ang. Bual harsa i tih chuan a hman tur thil (toy) pe la, i bual phah khan hlim takin bia la, fiam thin bawk la, i thusawi a hrethiam kher lo a nih pawhin i hawiher leh chezia bakah, i hlim hmel kha atan vitamin tha a ni. Hauh vak vak emaw vin tuar tuar phaha bual sawk sawk te hi thil tha lo tak a ni.

Châng sawi hun
Hetah hian sikul-a a thiam te bakah sunday/sabbath school-a zirtirtute’n an zirtir chângvawn leh hla te thlengin sawi sak tir ang che. TV-a lo hmuh leh thlir thinte pawh a leng vek a, thiam lo leh nal lo taka a tih pawhin nuihzat mai tur a ni lova, dawhthei takin, tiphur chungin chhawnchhaih fo thin ang che.
Hei hian mi hmâa a la din hunah, ‘confidence’ a nei thei dawn a, tihsual palh pawhin inzahpui emaw innuihsawh tur ni lovin, tha takin, zahawm tak bawk siin, tute pawh hi ‘treat’ tur a ni tih chu aman thiam mai anga, i hlawkpui hle ang.

Eirawngbawl
Kum 5 chung lam an nih tawh chuan zai leh châng sawite hi an tan chuan thil tih nuam tak chu a ni tawh dawn lova, chu ai chuan a tuizawng (atana tangkai tur bawk si) ang chi-ah hmâ taka a inhman theih dan ngaihtuah a tha.
Choka-ah hruai la, a tih theih tawk tur ang chi tih tir la, a ti thei lo anih pawhin i chevel leh thil tih kha a hmu pha ngei tur a ni.
Hmun a phiat thiam lo a nih paw’n hmunphiah la turin i tir thei a, thil tha a tih angahte lawmpuina hote pawh ni se, pek thin tur a ni.
Zan lama infiam
Chawlhkar khatah zan khat emaw tal chu hlim taka infiamna hun siam sak ang che. Hetah hian- board games, word quiz, Pictionary leh Chinese chekcers etc. te thlengin a leng vek.
Heng game te hi a hlimawm a, thluak tichak thei a nih bawk avangin a him hle. Amah maiin ti lo se, hlim takin tel pui ang che.
Hei hian nu leh pate hi thil ho te-ah pawh rawn leh telpui theih an ni tih hriatna a neih tir thuai dawn a, naupang thil mai mai anga langte pawh hlim takin an tuipui tih te thlengin an hre nghal dawn bawk a, in inkar pawh a \ha sawt bawk ang.

Leave a Reply

Your email address will not be published. Required fields are marked *

error: Content is protected !!