Taliban rorelna: Hmeichhiate TV drama-ah inlan phal tawh lo


Afghanistan-a Taliban sorkar chuan hmeichhiate chu television drama-a an lan a phal lo.
Hmeichhe chanchinbumi leh presenter-te pawh TV-a an inlan dawn chuan an lu tuam turin an ti a; mahse, tuam dan tur hi inkaihhruaina thar an tihchhuahah hian an sawi chiang lo.
Reporter-te chuan kaihhruaina an siam chu a chiang lovin sawi fiah dan azirin a danglam thei niin a sawi.
Tar lan tawh thin angin Taliban hian Afghanistan hi August thla laihawl khan lain inkhuahkhirhna khauh tak tak an kalpui thar leh an hlau hle.
Islamist pawl hian United States leh an tanrualpui sipaite inthiar chhuah rualin ram an thunun a, hmeichhe naupang leh hmeichhe dangte pawh zirna pek an phalsak lo tawh thin.
An rorel hun hmasaah khan hmeichhiate hi lehkha zir bakah hna an thawh pawh an phalsak lo.
Tun tuma kaihhruaina an tihchhuah thar hi Afghan television channel-te tan a ni a, dan pariat a awm.
Sharia (Islam dan) leh Afghan hlutna tihniam thei thil film leh mipa taksa lang tam chi chu khap vek a ni.
Fiamthu leh hlimhlawp thil, sakhaw lam tihnepna lam chi leh Afghan-te huatna lam hawi pawh khap a ni.
Taliban hian ram dang siam film, ram dang nunphung lam tihlanna pawh chhuah an khap bawk.
Afghan television channel tam takte hian ram dang siam drama, a changtua hmeichhe telna an tichhuak nasa hle thin.
Afghanistan-a chanchinbumite pawla mi pakhat, Hujjatullah Mujaddedi chuan inkaihhruaina siam thar chu an rinphak loh thil a nih thu a sawi.
Dan zam thenkhat chu a taka tih theih loh a nih thu leh zawm a nih dawn chuan broadcaster-te khar a ngaih hial tur thu a sawi.
Taliban hian a hmain hmeichhiate chu sikul kai phal lovin a ram mipui zahve zet lehkha zir phal lo hmasa ber ram an ni.
An khawpui, Kabul-a an mayor pawhin municipal-a hmeichhe hna thawkte chu an hmun ruak mipain luah vek thei lo mah se chawl turin a lo ti tawh.
Taliban hian hetianga hmeichhiate lehkhazir leh hna thawh an phal loh hi tih lailawk phawt a nih thu leh an tan a him hunah chuan an zira an thawh tur thu an sawi ve thung.

Leave a Reply

Your email address will not be published. Required fields are marked *

error: Content is protected !!