Kum 2019-a Isua Thawhleh Nia Sri Lanka-a bomb puaka a mawhphurtua puh mi 25-te chungthu chu ngaihtuah tan a ni ta a. Heng mite hi puhna 23,000 chuang zet nei an ni.
Bomb puak kha hotel leh biak in pathum ve ve-ah niin mi 267 an thi a, mi 500 chuangin hliam an tuar.
A titua puhte hi puhna 23,000 chuang siamsak niin an chungchang ngaihtuahnaah hian mi 1,215 zet thuhretu-ah an \ang ang.
An puhte aiawha ding tur dan hre mite chuan heti taka sual tia puhna leh thuhretu siam hi thil \ul lo leh sawngsawhlawt lo tak a nih thu an sawi thung.
An puhna zingah hian mi thah tuma phiar, beihna thlen nana puitu leh ralthuam leh puak thei lakhawm tihte pawh a tel.
Bomb tipuaktu tak tak mi pariatte erawh thihchilha ti an nih avangin an vaiin an thi nghal.
Heng thihchilhtu chhungte tam tak pawh beihna thlen tura ruahmantu leh ngaihtuahtu tia sorkar lama \ang an awm nual.
Heng zingah hian thihchilhtu zinga mi pahnihte pa pawh a tel a. Pakhat pawh Islamic State nena inzawmna nei nia hriat a ni.
An chungthu ngaihtuahnaa inhnamhnawih dan hre mite chuan heti taka thuhretu leh puhna tam hian thubuai ngaihtuah chhung a tirei mai mai dawn niina n sawi ve bawk.
Mi an puh zinga paruk aiawha ding, Noordeen Shaheed pawhin \ul lo tak leh thurem tirei mai mai’ tiin a sawi.
“Mi 25 laka puhna 23,000 siam hi tih dan phung lo tak a ni a. Sri Lanka chanchina hriat reng tur a ni,” a ti.
2019 Easter bombings tia an sawi mai hi April 21, 2019, Isua Thawhleh Ni-a Sri Lanka khawpui, Colombo-a thleng niin mi firfiakte hian biak in pathum leh five-star hotel pathum beiin mi 267 an thi a, an zinga mi 45 hi ram dang mi an ni.
Beihna thlengah hian mi 500 chuang hliam tuar an awm a, an zinga tam ber hi Sri Lanka-a sakhaw zuitu tlem zawk, Kristiante an ni.