Assam-in a ramah Mizoram che-ah puh; Mizoramin a JCB la chhuak


State pahnih, Mizoram leh Assam ten ramri chungchangah boruak \ha an la nei hlei thei lo a, Assam sorkarin an ram chhunga kawng laiah Mizoram an puh thar leh mek a; hetihlai hian tun hnaiah Mizoram sorkarin ramria kawng siam hna thawk JCB-te a la chhuak.
Tun hnaiah Assam sorkarin Mizoram sorkar chu an ram chhung kilometre hniha thuk thlenga kawng laiah puhin, hemi tihchianna tura drone hmanga video an lak ni awm tak chu media hrang hrangah an tar lang.
Hetihlai hian Vairengte a\anga thudawn danin ramria kawng sial hnathawktu JCB-te chu November 24 khan sorkarin a la chhuak vek a ni.
Hetianga ramri chungchanga inpuh tawnna a thlen lai hian Mizoram sorkara hotu pawimawh tak chuan Assam sorkarin drone footage an thehdarh chu tun hnaia lak a ni lo a, file footage a nih thu The Zozam Times a hrilh thung a, Assam lamin an puhna chu thu dik lo a ni tiin, ramri pelin hmalak a ni lo tih a sawi.
Mizoram sorkarin ramria a pawm chu Bengal Eastern Frontier Regulation (BEFR), 1875 a ni a, Mizoram sorkara hotu pawimawh tak chuan, “Mizoramin hma a lakna hi 1875 ramri chin zel a ni a,” a ti.
Ministry of Home Affairs chuan state pahnihte hi Status Quo vawnghim ve ve turin a hriattir a, hetih lai hian Assam sorkar erawhin Mizoram sorkarin a ram china a pawmah hma an la la reng nia thudawn a ni.
Vairengte daia state pahnih police-te an inkah hnuah hian ramri chungchangah boruak \ha lo lian tham a thleng tawh rih lo a, hetihlai hian Assam lam erawhin Mizoram chhungah buaina tenau erawh an siam reng thung a ni.

Leave a Reply

Your email address will not be published. Required fields are marked *

error: Content is protected !!