Aizawl Mayor Lalrinenga Sailo chuan, Aizawl khawpui chhunga bawlhlawh paih rukna \hin leh hmun \awp laite chu hung chhuak vek tura hmalak mek a nih thu sawiin, veng 40-ah bul an \an mek thu a sawi.
Swatch Bharat Mission, Urban hnuaia fai intihsiakna kal meka Aizawl Veng pahnih, Chanmari West leh Hunthar Veng chhunga faina kawnga hmalakna tur khuh hawnna nimina neihah Aizawl Mayor Lalrinenga Sailo chuan Aizawl khawpui faina, mawina leh thianghlimna kawnga AMC hmalak tawhna leh an hmachhawp te a sawi chhuak.
Aizawl Mayor chuan, khawpui chhunga ran vulh, a rim leh thli vantlang tana hnawksak awm thei chiah a hremna AMC-in dan a neih te an lekkawh dawn tih sawiin, “Kan ran vulh danah hma kan sawn a pawimawh hle,” a ti.
Mahni in-ah chauh ni lo, dawr lun lai, vantlang hmun leh khawpui lun laiah inthiarna tur siama hmalak a nih mek thu a sawi bawk.
He hun hmanpuitu, AMC Ward VI Councillor John Zosangliana Ralte chuan a bial chhung faina kawnga hmalakna in rah tha a chhuah ngei a beisei tih sawiin, faina leh thianghlimna kawngah a bial mipuite chu tan la sauh sauh turin a chah.
John Zosangliana Ralte hmalaknain a bial chhung veng tinah sanitation committee hi din vek a ni a. Hemi kawnga hmalakna atan Chanmari West leh Hunthar Veng Sanition Committe hnenah Rs 10,000 ve ve a hlan bawk.