Billboard tarlan danin, The Weeknd, ‘Blinding Lights’ hla chuan top 100 chart-ah kar 90 a hmang tling ta a, top spot-a awm rei ber nihna Chubby Checker, ‘The Twist’ chu phet thla-in 1960s chho a hla lar tak tan tawlh thlak mai chu duhthlan tur dang a awm lo.
Billboard 100 hi radio plays, sales leh streaming tam dan atanga teh niin, kum 63 kalta atang tawh khan mumal taka kalpui a ni.
Th Weeknd (Abel Tesfaye) hian November 2019 khan Blinding Lights hi tichhuakin, September 2021 a thlen meuh chuan Spotify-ah vawi billion 2.5 chuang stream a ni hman.
Heti taka a lar lehzualna chhanah hian nikum hripui len chhoh laia TikTok dance challenge intihhmuhna atang-in a ni a, Super Bowl half-time show, 2021-a a inlan pawh khan sang taka a vawrh.
Mak ang reng takin, Chubby Checkers hla, ‘The Twist’ pawh hi dance lam rawngkai tho a ni a, tunah erawh pa-hnihnaah a chhuhthlak a ngai ta.
Top 10 Billboard top songs of all time
Blinding Lights – The Weeknd
The Twist – Chubby Checker
Smooth – Santana feat. Rob Thomas
Mack the Knife – Bobby Darin
Uptown Funk! – Mark Ronson feat Bruno Mars
How do I Live – LeAnn Rimes
Party Rock Anthem – LMFAO feat Lauren
Nemmett & Goonrock
I Gotta Feeling – The Black Eyed Peas
Macarena (Bayside Boys Remix) – Los Del Rio
Shape of You – Ed Sheeran