END-in heroin leh ganja thahnem tak man


Aizawl: Excise & Narcotics Department (END) chuan hmun hrang hrangah heroin gram 105.500 (hawng 8) leh ganja \hahnem tak an man.
END leh Mara Thyutlia Py (MTP) thawkdun chuan Thawhlehni chawhma dar 10:30 leh chhun dar 12:30 khan Siaha Tlangkawn leh Lungzarhtrum-ah heroin gram 50.200 (hawng 4) leh a neitu nia puh mi pahnih — Samuel Ramngaihawma (26), Bairabi Rail Station veng leh Lalruatfeli (32), Lungzarhtrum Venglai, Lawngtlai District-a khawsa nia inchhalte chu an man.
November 23, 2021 (Thawhlehni) tlai dar 2:15 khan Zote Vengthar, Champhai district-ah heroin gram 55 (hawng 4) leh a neitu nia puh mi pathum — Dindeihluni (35), Bethel Vengthar, Champhai; Mungkhankhual (19) leh Paungaihkim (18)m Bulfek, Myanmar-a khawsa nia inchhalte chu an man a. Hemi ni vek hian Teikhang, Saitual district-ah ganja kg 188 & gram 219 leh a neitu nia puh mi pahnih — Thianlal (43) leh Zampau (45), Teikhanga khawsa nia inchhalte an man bawk.
Ruihhlo vanga mante hi The Narcotic Drugs & Psychotropic Substances Act, 1985 tlawhchhana thubuai siamsak an ni.

Leave a Reply

error: Content is protected !!