Sweden hmeichhe prime minister hmasa ber atan Magdalena Andersson


Magdalena Andersson chu Sweden ram parliament chuan an ram hmeichhe prime minister atan an pawm ta a, centre-left Social Democrats hruaitu, Stefan Lofven chu a thlak ang.
Sweden hi Nordic ram an tih zingah chuan hmeichhe prime minister la nei ngai lo awm chhun a ni \hin.
Andersson-i hi tunah finance minister a ni mek a. Nilainia vote lakah a tling zo lo va; mahse, Swedish danah amah paih thla turin MP tam zawk a ngai a, an tam zo lo.
Kum 54 mi, Social Democrat hruaitu hi an ram rorelna, Riksdag-ah ding chunga zahna lantir zui a ni tih Swedish television chuan a tar lang.
Andersson-i thlan a nih hma lawk hian darkar 11 chhung zet eptu, Left party nen indawrin Swede-te tana pension tam zawk chungchang an sawiho.
Riksdag-ah hian member 349 awmah amah duh lo lam mi 174 an awm a; mahse, MP 117 erawhin an thlawp a, hai mi 57 an awm thung.
Uppsala khawpui university-a a kal laia junior swimming champion lo ni tawh, Andersson-i hian politics hi kum 1996 a\anga khelin Prime Minister Goran Persson-a political adviser a ni \hin.
Prime minister a nih veleh hian hna hautak tak a nei nghal dawn a. Eptute chuan a sorkarin budget an pharh tur chu an dodal nghal dawn tih an sawi lawk a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427