Bayern Munich striker Robert Lewandowski a chetpui leh zanah German club in hnehna an chang a. Group E-ah la chak vekin an sang fal a. An hnuai a awm Barcelona erawh la tling lo thei an ni.
Poland striker in minute 14-naah an goal hmahruai khungin ‘overhead kick’ goal ropui a khung a. A zawnin Champions League match 9 goal a khung tawh.
Kum 2020 final a chakna goal khungtu Kingsley Coman chuan an goal hnihna a khung a. Second half-ah Denys Harmash-a’n Dynamo Kyiv tan goal a khung a, he goal hi tun tournament a an goal hmasa ber a ni.
Xavi Hernandez-a Barcelona in Group E inkhel lehlamah Benfica an hneh thei lova. Camp Nou-ah goal inpe lova an inhnehtawk avangin an dinhmun a khirh.
Barcelona in an group inkhel hnuhnung bera an tum tur hi Bayern Munich a ni a, Benfica in Dynamo Kyiv an mikhual dawn a, Portuguese club an chak a, Barcelona an chak ve si loh chuan Spanish club in Europa League an khel ang.
Barcelona tan Ronald Araujo chuan goal khung mahse pawm a ni lova, kum 18 mi Yusuf Demir chuan crossbar a pet per bawk.
Benfica in goal veng uluk mahse chak theihna huntha tak an nei a, goal ruakah Haris Seferovic chuan goal a khung lova. Ball chang tam Barca hian goal zawnah chance vawi thum chiah an nei.