ZPM-in Tlawng khuap dawn


Aizawl: Zoram People’s Movement (ZPM) sorkar hunah Tlawng lui an khuap dawn niin ZPM Consultant F Rodingliana’n a sawi.
Thawhlehni zana N. Lunglenga ZPM-in mi thar lawm luh inkhawm an buatsaihah F Rodingliana hian, “ZPM kan sorkar hunah Lungleng khua a\anga hla lo teah hian Tlawng lui hi kan khuap dawn a. Lui tui khuah hi Mizoram tan Pathian malsawmna rohlu a ni,” tiin, N. Lungleng hi khaw pawimawh tak a la nih tur thu a sawi.
Mi thar lawm luttu, F Rodingliana hian kawlphetha siam nan te, Aizawl khawpui tui pekna tur atan te, khualzin hipna atan te, huan thlai chawm nan te, sangha khawina hmunpui khawpui daia siamna atan te leh tui kawng (water way) atan ZPM-in hman an tum avangin Tlawng lui khuah hi Zoramin a mamawh ngawih ngawih niin a sawi a. “ZPM kan sorkar chhung hian electric bill hi tihpun loh hram dan kan zawng ang a, kum sarih chhunga kawlphetha intodelh turin \an kan la dawn,” a ti.
Tlawng tui lian thunun loh avangin nunna chân an awm nual tawh thu te, tun lai khawvelah tui hna a tlem telh telh avang hian Pathian malsawmna van ruahtuite hi luan ral tir mai mai tawh lo a ruahtui khawl dan kalhmang \ha tak ZPM in an duan tur thu a sawi bawk.
Tuirial bial bye-election neih zawh tak chungchang sawi bawkin, he inthlana hnehna an chang zo ta lo chu ZPM candidate tan channa a nih rualin, ZPM tan darthlalangah hmangin an inennawn tur thu a sawi a. “Kan leader a\anga member tinte kan inenfiahin Zoram tana malsawmna ni turin kan kal tawh chin kan en let a, kalphung thar a kal turin nasa lehzuala hma thar la turin kan inbuatsaih mek zel a. Zorama Pathian lal ram din tura politic-a kan tawn hriatte kalsanin, thinlung thar nen ZPM member leh Zoram mipuite Zoram thar din turin kan sawm tak meuh meuh a ni,” a ti bawk.

Leave a Reply

Your email address will not be published. Required fields are marked *

error: Content is protected !!