Covid-19: Netherlands-a inkhuahkhirhna khauh lehzual


Netherlands ramah Covid-19 kai an pun chak zel avang leh a chi thar, Omicron variant avangin inkhuahkhirhna an kalpui mek chu khauh lehzualin an kalpui tan.
Chawlhkar thum lo awm tur chhung chu chawlhna leh pun khawmna dang – cafe, museum leh cinema zawng zawng tlai dar 5:00-ah khar vek turin an ti.
Thuneitute chuan khuahkhirhna khauh lehzual hi hri kai tam lutuk avanga damdawi in an buai lutuk loh nana an tih a nih thu an sawi.
Netherlands-ah hian South Africa atanga thlawh haw mi 61 vel chuan hri chi thar hi an kai tih finfiah a ni tawh.
Chawlhkar thum an inkhuahhkhirh turah hian dawr, infiamna leh catering eng emaw zat khuahkhirh a ni dawn. were announced by Dutch Prime Minister Mark Rutte earlier this month.
Netherlands ramah hian intensive care khum an indaih loh tawh avangin zai ngaite pawh an sawn hla a, Covid vangin kar tin mi za tel an thi mek.
Zirtawpni khan mi 22,000 chuang hri kai hmuh niin inkhuahkhirhna khauh zawk hi inkai darh chak lutuk tur dan nana an tih a ni.
Inkhuahkhirhna kalpui chhung hian nursery, sikul leh university erawh dan pangngaiin an inhawng ang.
Sorkarin inkhuahkhirhna a puan hnu lawk atangin mi sang tel chhuak khawmin an duh lohna an lo lantir tawh.
The Hague-ah phei chuan police-in tui laipui hmangin an hnawt darh a ni.
Dutch catering industry thupuangtu chuan public broadcaster NOS hnenah sorkar hian a ti lutuk deuh niin a sawi.
Netherlands-ah hian hripui a len atangin mi 20,000 dawnin an thihpui tawh a ni.
Netherlands-ah hian inkhuahkhirhna khauh kalpui a nih chhung hian ni tin mamawh zawrhna ni lo, dawr dangte chu tlai dar 5:00-ah inkharin a tuk zing dar 5:00-ah inhawn leh chauh tur a ni.
Tlai dar 5:00-ah hian cinema, theatre leh sauna pawh khar tur a ni a, a bika inruaite pawh khar vek tur a ni.
Supermarket, damdawi zuar leh wholesaler pawh zan dar 8:00 atanga zing dar 5:00 inkarah khar tur a ni a. Indoor leh outdoor sport pawh tlai dar 5:00 thleng bak tih phal a ni lo.
Tlai lama training session neih chi leh ei zawn nana hmanga inkhel ang chi erawh a ngaia kalpui tur a ni.
Mikhual leh inleng pali bak neih phal a ni lo va, mi ina leng tur pawh kum 13 chauh a theih a. Hna pawh in lam atang a tam thei ang ber thawh tur a ni.

Leave a Reply

Your email address will not be published. Required fields are marked *

error: Content is protected !!